Wednesday, February 27, 2013

ಸುವರ್ಣಮಾಲಾಸ್ತುತಿಃ


ಸುವರ್ಣಮಾಲಾಸ್ತುತಿಃ
        (ಶ್ರೀ ಶಂಕರಾಚಾರ್ಯಕೃತಮ್)

ಅಥ ಕಥಮಪಿ ಮದ್ರಸನಾಂ ತ್ವದ್ಗುಣಲೇಶೈರ್ವಿಶೋಧಯಾಮಿ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ||

ಆಖಣ್ಡಲಮದಖಣ್ಡನಪಣ್ಡಿತ ತಣ್ಡುಪ್ರಿಯ ಚಣ್ಡೀಶ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ||

ಇಭಚರ್ಮಾಮ್ಬರ ಶಮ್ಬರರಿಪುವಪುರಪಹರಣೋಜ್ಜ್ವಲನಯನ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ||

ಈಶ ಗಿರೀಶ ನರೇಶ ಪರೇಶ ಮಹೇಶ ಬಿಲೇಶಯಭೂಷಣ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ||

ಉಮಯಾ ದಿವ್ಯಸುಮಂಗಲವಿಗ್ರಹಯಾಲಿಂಗಿತವಾಮಾಂಗ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ||

ಊರೀಕುರುಮಾಮಜ್ಞಮನಾಥಂ ದೂರೀಕುರು ಮೇ ದುರಿತಂ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ||

ಋಷಿವರಮಾನಸಹಂಸ ಚರಾಚರಜನನಸ್ಥಿತಿಲಯಕಾರಣ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ||

ೠಕ್ಷಾಧೀಶಕಿರೀಟ ಮಹೋಕ್ಷಾರೂಢ ವಿಧೃತರುದ್ರಾಕ್ಷ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ||

~ಳುವರ್ಣದ್ವನ್ದ್ವಮವೃನ್ತಸುಕುಸುಮಮಿವಾಙ್ಘ್ರೌ ತವಾರ್ಪಯಾಮಿ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ||

ಏಕಂ ಸದಿತಿ ಶ್ರುತ್ಯಾ ತ್ವಮೇವ ಸದಾಸೀತ್ಯುಪಾಸ್ಮಹೇ ಮೃಡ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೧೦ ||

ಏಕ್ಯಂ ಸ್ವಭಕ್ತೇಭ್ಯೋ ವಿತರಸಿ ವಿಶ್ವಂಭರೋಽತ್ರ ಸಾಕ್ಷೀ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೧೧ ||

ಓಮಿತಿ ತವ ನಿರ್ದೇಷ್ಟ್ರೀ ಮಾಯಾಸ್ಮಾಕಂ ಮೃಡೋಪಕರ್ತ್ರೀ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೧೨ ||

ಔದಾಸ್ಯಂ ಸ್ಫುಟಯತಿ ವಿಷಯೇಷು ದಿಗಮ್ಬರತಾ ತವೈವ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೧೩ ||

ಅನ್ತಃಕರಣವಿಶುದ್ಧಿಂ ಭಕ್ತಿಂ ತ್ವಯಿ ಸತೀಂ ಪ್ರದೇಹಿ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ !! ೧೪ ||


ಅಸ್ತೋಪಾಧಿಸಮಸ್ತವ್ಯಸ್ತೈರ್ರೂಪೈರ್ಜಗನ್ಮಯೋಽಸಿ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೧೫ ||

ಕರುಣಾವರುಣಾಲಯ ಮಯಿ ದಾಸ ಉದಾಸಸ್ತವೋಚಿತೋ ಹಿ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೧೬ ||

ಖಲಸಹವಾಸಂ ವಿಘಟಯ ಘಟಯ ಸತಾಮೇವ ಸಂಗಮನಿಶಮ್ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೧೭ ||

ಗರಲಂ ಜಗದುಪಕೃತಯೇ ಗಿಲಿತಂ ಭವತಾ ಸಮೋಽಸ್ತಿ ಕೋಽತ್ರ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೧೮ ||

ಘನಸಾರಗೌರಗಾತ್ರ ಪ್ರಚುರಜಟಾಜೂಟಬದ್ಧಗಂಗ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೧೯  ||

ಜ್ಞಪ್ತಿಃ ಸರ್ವಶರೀರೇಷ್ವಖಣ್ಡಿತಾ ಯಾ ವಿಭಾತಿ ಸಾ ತ್ವಂ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೨೦ ||


ಚಪಲಂ ಮಮ ಹೃದಯಕಪಿಂ ವಿಷಯದ್ರುಚರಂ ದೃಢಂ ಬಧಾನ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೨೧ ||

ಛಾಯಾ ಸ್ಥಾಣೋರಪಿ ತವ ತಾಪಂ ನಮತಾಂ ಹರತ್ಯಹೋ ಶಿವ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೨೨ ||

ಜಯ ಕೈಲಾಸನಿವಾಸ ಪ್ರಮಥಗಣಾಧೀಶ ಭೂಸುರಾರ್ಚಿತ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೨೩ ||

ಝಣುತಕಝಙ್ಕಿಣುಝಣುತತ್ಕಿಟತಕಶಬ್ದೈರ್ನಟಸಿ ಮಹಾನಟ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೨೪ ||

ಜ್ಞಾನಂ ವಿಕ್ಷೇಪಾವೃತಿರಹಿತಂ ಕುರು ಮೇ ಗುರುಸ್ತ್ವಮೇವ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೨೫ ||

ಟಙ್ಕಾರಸ್ತವ ಧನುಷೋ ದಲಯತಿ ಹೃದಯಂ ದ್ವಿಷಾಮಶನಿರಿವ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೨೬ ||

ಠಾಕೃತಿರಿವ ತವ ಮಾಯಾ ಬಹಿರನ್ತಃ ಶೂನ್ಯರೂಪಿಣೀ ಖಲು ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೨೭ ||

ಡಮ್ಬರಮಂಬುರುಹಾಮಪಿ ದಲಯತ್ಯನಘಂ ತ್ವದಙ್ಘ್ರಿಯುಗಲಂ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೨೮ ||

ಢಕ್ಕಾಕ್ಷಸೂತ್ರಶೂಲದ್ರುಹಿಣಕರೋಟೀಸಮುಲ್ಲಸತ್ಕರ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೨೯ ||

ಣಾಕಾರಗರ್ಭಿಣೀ ಚೇಚ್ಛುಭದಾ ತೇ ಶರಗತಿರ್ನೃಣಾಮಿಹ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೩೦ ||

ತವ ಮನ್ವತಿಸಂಜಪತಃ ಸದ್ಯಸ್ತರತಿ ನರೋ ಹಿ ಭವಾಬ್ಧಿಂ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೩೧ ||

ಥೂತ್ಕಾರಸ್ತಸ್ಯ ಮುಖೇ ಭೂಯಾತ್ತೇ ನಾಮ ನಾಸ್ತಿ ಯಸ್ಯ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೩೨ ||

ದಯನೀಯಶ್ಚ ದಯಾಲುಃ ಕೋಽಸ್ತಿ ಮದನ್ಯಸ್ತ್ವದನ್ಯ ಇಹ ವದ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೩೩ ||

ಧರ್ಮಸ್ಥಾಪನದಕ್ಷ ತ್ರ್ಯಕ್ಷ ಗುರೋ ದಕ್ಷಯಜ್ಞಶಿಕ್ಷಕ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೩೪ ||


ನನು ತಾಡಿತೋಽಸಿ ಧನುಷಾ ಲುಬ್ಧಧಿಯಾ ತ್ವಂ ಪುರಾ ನರೇಣ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೩೫ ||

ಪರಿಮಾತುಂ ತವ ಮೂರ್ತಿಂ ನಾಲಮಜಸ್ತತ್ಪರಾತ್ಪರೋಽಸಿ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೩೬ ||

ಫಲಮಿಹ ನೃತಯಾ ಜನುಷಸ್ತ್ವತ್ಪದಸೇವಾ ಸನಾತನೇಶ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೩೭ ||

ಬಲಮಾರೋಗ್ಯಂ ಚಾಯುಸ್ತ್ವದ್ಗುಣರುಚಿತಾಂ ಚಿರಂ ಪ್ರದೇಹಿ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೩೮ ||

ಭಗವನ್ಭರ್ಗ ಭಯಾಪಹ ಭೂತಪತೇ ಭೂತಿಭೂಷಿತಾಙ್ಗ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೩೯ ||

ಮಹಿಮಾ ತವ ನಹಿ ಮಾತಿ ಶ್ರುತಿಷು ಹಿ ಮಹೀಧರಾತ್ಮಜಾಧವ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೪೦ ||

ಯಮನಿಯಮಾದಿಭಿರಙ್ಗೈರ್ಯಮಿನೋ ಯಂ ಹೃದಯೇ ಭಜನ್ತಿ ತ್ವಂ ಭೋ
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೪೧ ||

ರಜ್ಜಾವಹಿರಿವ ಶುಕ್ತೌ ರಜತಮಿವ ತ್ವಯಿ ಜಗತಿ ಭಾನ್ತಿ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೪೨ ||

ಲಬ್ಧ್ವಾ ಭವತ್ಪ್ರಸಾದಾಚ್ಚಕ್ರಂ ವಿಷ್ಣುರವತಿ ಲೋಕಮಖಿಲಂ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೪೩ ||

ವಸುಧಾತದ್ಧರತಚ್ಛಯರಥಮೌರ್ವೀಶರ ಪರಾಕೃತಾಸುರ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೪೪ ||

ಶರ್ವದೇವ ಸರ್ವೋತ್ತಮ ಸರ್ವದ ದುರ್ವೃತ್ತಗರ್ವಹರಣ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೪೫ ||

ಷಡ್ರಿಪು ಷಡೂರ್ಮಿ ಷಡ್ವಿಕಾರಹರ ಸನ್ಮುಖ ಷಣ್ಮುಖಜನಕ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೪೬ ||

ಸತ್ಯಂ ಜ್ಞಾನಮನನ್ತಂ ಬ್ರಹ್ಮೇತ್ಯೇತಲ್ಲಕ್ಷಣಲಕ್ಷಿತ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್  || ೪೭ ||

ಹಾಹಾಹೂಹೂಮುಖಸುರಗಾಯಕಗೀತಾಪದಾನಪದ್ಯ ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೪೮ ||

ಳಾದಿರ್ನ ಹಿ ಪ್ರಯೋಗಸ್ತದನ್ತಮಿಹ ಮಂಗಲಂ ಸದಾಸ್ತು ವಿಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೪೯ ||

ಕ್ಷಣಮಿವ ದಿವಸಾನ್ನೇಷ್ಯತಿ ತ್ವತ್ಪದಸೇವಾಕ್ಷಣೋತ್ಸುಕಃ ಶಿವ ಭೋ |
ಸಾಮ್ಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಮ್ || ೫೦ ||
 

No comments:

Post a Comment