ಶ್ರೀವೇಙ್ಕಟೇಶಮಙ್ಗಲಸ್ತೋತ್ರಮ್

 ಶ್ರೀವೇಙ್ಕಟೇಶಮಙ್ಗಲಸ್ತೋತ್ರಮ್

ಶ್ರಿಯಃ ಕಾನ್ತಾಯ ಕಲ್ಯಾಣನಿಧಯೇ ನಿಧಯೇಽರ್ಥಿನಾಮ್ |

ಶ್ರೀವೇಙ್ಕಟನಿವಾಸಾಯ ಶ್ರೀನಿವಾಸಾಯ ಮಙ್ಗಲಮ್ || ೧ ||

ಲಕ್ಷ್ಮೀಸವಿಭ್ರಮಾಲೋಕಸದ್ಮವಿಭ್ರಮಚಕ್ಷುಷೇ |

ಚಕ್ಷುಷೇ ಸರ್ವಲೋಕಾನಾಂ ವೇಙ್ಕಟೇಶಾಯ ಮಙ್ಗಲಮ್ || ೨ ||

ಶ್ರೀವೇಙ್ಕಟಾದ್ರಿಶೃಙ್ಗಾಯ ಮಙ್ಗಲಾಭರಾಣಾಙ್ಘ್ರಯೇ |

ಮಙ್ಗಲಾನಾಂ ನಿವಾಸಾಯ ವೇಙ್ಕಟೇಶಾಯ ಮಙ್ಗಲಮ್ || ೩ ||

ಸರ್ವಾವಯವಸೌನ್ದರ್ಯಸಂಪದಾ ಸರ್ವಚೇತಸಾಮ್ |

ಸದಾ ಸಮ್ಮೋಹನಾಯಾಸ್ತು ವೇಙ್ಕಟೇಶಾಯ ಮಙ್ಗಲಮ್ || ೪ ||

ನಿತ್ಯಾಯ ನಿರವದ್ಯಾಯ ಸತ್ಯಾನನ್ದ ಚಿದಾತ್ಮನೇ |

ಸರ್ವಾನ್ತರಾತ್ಮನೇ ಶ್ರೀಮದ್ ವೇಙ್ಕಟೇಶಾಯ ಮಙ್ಗಲಮ್ || ೫ ||

ಸ್ವತಃ ಸರ್ವವಿದೇ ಸರ್ವಶಕ್ತಯೇ ಸರ್ವಶೇಷಿಣೇ |

ಸುಲಭಾಯ ಸುಶೀಲಾಯ ವೇಙ್ಕಟೇಶಾಯ ಮಙ್ಗಲಮ್ || ೬ ||

ಪರಸ್ಮೈ ಬ್ರಹ್ಮಣೇ ಪೂರ್ಣಕಾಮಾಯ ಪರಮಾತ್ಮನೇ |

ಪ್ರಪನ್ನಪರತತ್ವಾಯ ವೇಙ್ಕಟೇಶಾಯ ಮಙ್ಗಲಮ್ || ೭ ||

ಅಕಾಲತತ್ವವಿಶ್ರಾನ್ತಾವಾತ್ಮಾನಮನುಪಶ್ಯತಾಮ್ |

ಅತೃಪ್ತಾಮೃತರೂಪಾಯ ವೇಙ್ಕಟೇಶಾಯ ಮಙ್ಗಲಮ್ || ೮ ||

ಪ್ರಾಯಃ ಸ್ವಚರಣೌ ಪುಂಸಾಂ ಶರಣ್ಯತ್ವೇನ ಪಾಣಿನಾ |

ಕೃಪಯಾ ದರ್ಶಯತೇ ಶ್ರೀಮದ್ ವೇಙ್ಕಟೇಶಾಯ ಮಙ್ಗಲಮ್ || ೯ ||

ದಯಾಮೃತತರಙ್ಗಿಣ್ಯಾಃ ತರಙ್ಗೈರತಿಶೀತಲೈಃ |

ಅಪಾಙ್ಗೈಃ ಸಿಞ್ಚತೇ ವಿಶ್ವಂ ವೇಙ್ಕಟೇಶಾಯ ಮಙ್ಗಲಮ್ || ೧೦ ||

ಸ್ರಗ್ಭೂಷಾಮ್ಬರಹೇತೀನಾಂ ಸುಷಮಾವಹಮೂರ್ತಯೇ |

ಸರ್ವಾರ್ತಿಶಮನಾಯಾಸ್ತು ವೇಙ್ಕಟೇಶಾಯ ಮಙ್ಗಲಮ್ || ೧೧ ||

ಶ್ರೀವೈಕುಣ್ಠವಿರಕ್ತಾಯ ಸ್ವಾಮಿಪುಷ್ಕರಣೀತಟೇ |

ರಮಯಾ ರಮಮಾಣಾಯ ವೇಙ್ಕಟೇಶಾಯ ಮಙ್ಗಲಮ್ || ೧೨ ||

ಶ್ರೀಮದ್ ಸುನ್ದರಜಾಮಾತೃಮುನಿಮಾನಸವಾಸಿನೇ |

ಸರ್ವಲೋಕನಿವಾಸಾಯ ಶ್ರೀನಿವಾಸಾಯ ಮಙ್ಗಲಮ್  || ೧೩ ||

ನಮಃ ಶ್ರೀವೇಙ್ಕಟೇಶಾಯ ಶುದ್ಧಜ್ಞಾನಸ್ವರೂಪಿಣೇ |

ವಾಸುದೇವಾಯ ಶಾನ್ತಾಯ ಶ್ರೀನಿವಾಸಾಯ ಮಙ್ಗಲಮ್ || ೧೪ ||