. ಶ್ರೀದೇವೀಮಙ್ಗಲಾಷ್ಟಕಮ್
ಕನತ್ಕನಕತಾಟಙ್ಕವಿಲಸನ್ಮುಖಪಙ್ಕಜೇ |
ಕಾರುಣ್ಯವಾರಿಧೇ ತ್ವಂ ಮೇ ಸನ್ತತಂ ಮಙ್ಗಲಂ ಕುರು ||
೧ ||
ಖಣ್ಡಿತಾಖಿಲದೈತೇಯೇ ಖರ್ವಶೂನ್ಯಾಸ್ತ್ರವೈಭವೇ |
ಗಿರಿರಾಜಸುತೇ ದೇವಿ ಸನ್ತತಂ ಮಙ್ಗಲಂ ಕುರು ||
೨ ||
ಘನರಾಜಿನಿಭಾಖರ್ವಸುಗನ್ಧಿಕುಟಿಲಾಲಕೇ |
ಚಣ್ಡಮುಣ್ಡಾದಿದರ್ಪಘ್ನಿ ಸನ್ತತಂ ಮಙ್ಗಲಂ ಕುರು || ೩ ||
ಛತ್ರೀಕೃತಯಶೋರಾಶೇ ಛೇದಿತಾಖಿಲಪಾತಕೇ |
ಜಗದಾಧಾರಸನ್ಮೂರ್ತೇ ಸನ್ತತಂ ಮಙ್ಗಲಂ ಕುರು || ೪ ||
ತತ್ವಮಸ್ಯಾದಿಲಕ್ಷ್ಯಾರ್ಥೇ ತಾಪತ್ರಯವಿಭಂಜಿನಿ |
ದಣ್ಡನೀತಿಸ್ಥಿತೇ ದೇವಿ ಸನ್ತತಂ ಮಙ್ಗಲಂ ಕುರು ||
೫ ||
ಧರಾಧರಸುತೇ ದೇವಿ ಧನಧಾನ್ಯವಿವರ್ಧನಿ |
ದಯಮಾನಾಸಿತಾಪಾಙ್ಗೇ ಸನ್ತತಂ ಮಙ್ಗಲಂ ಕುರು || ೬ ||
ಪಞ್ಚಪ್ರೇತಾಸನಾಸೀನೇ ಪಞ್ಚಸಂಖ್ಯೋಪಚಾರಿಣಿ |
ಪರಮಾನನ್ದನಿಲಯೇ ಸನ್ತತಂ ಮಙ್ಗಲಂ ಕುರು || ೭ ||
ಅಕಾರಾದಿಕ್ಷಕಾರನ್ತ ವರ್ಣರೂಪೇ ಮಹೇಶ್ವರಿ |
ಅವಿದ್ಯಾಮೂಲವಿಚ್ಛೇತ್ರಿ ಸನ್ತತಂ ಮಙ್ಗಲಂ ಕುರು || ೮ ||
ಮಂಗಲಾಷ್ಟಕಮೇತದ್ವೈ ಯಃ ಪಠೇತ್ ಭಕ್ತಿಸಂಯುತಃ |
ಆಯುರಾರೋಗ್ಯಮೈಶ್ವರ್ಯಂ ಪುತ್ರಪೌತ್ರಾದಿಕಂ ಲಭೇತ್ || ೯ ||
No comments:
Post a Comment