ಮುಕುನ್ದಾಷ್ಟಕಮ್

         ಮುಕುನ್ದಾಷ್ಟಕಮ್

 ಕರಾರವಿನ್ದೇನ ಪದಾರವಿನ್ದಂ

ಮುಖಾರವಿನ್ದೇ ವಿನಿವೇಶಯನ್ತಮ್ |

ವಟಸ್ಯಪತ್ರಸ್ಯ ಪುಟೇ ಶಯಾನಂ

ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ || ೧ ||

ಸಂಹೃತ್ಯಲೋಕಾನ್ ವಟಪತ್ರಮಧ್ಯೇ

ಶಯಾನಮಾದ್ಯನ್ತವಿಹೀನರೂಪಮ್ |

ಸರ್ವೇಶ್ವರಂ ಸರ್ವಹಿತಾವತಾರಂ

ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ || ೨ ||

ಆಲೋಕ್ಯಮಾತುರ್ಮುಖಮಾದರೇಣ

ಸ್ತನ್ಯಂ ಪಿಬನ್ತಂ ಸರಸೀರುಹಾಕ್ಷಮ್ |

ಸಚ್ಚಿನ್ಮಯಂ ದೇವಮನನ್ತರೂಪಂ

ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ || ೩ ||

ಇನ್ದೀವರಶ್ಯಾಮಲಕೋಮಲಾಙ್ಗಂ

ಇನ್ದ್ರಾದಿದೇವಾರ್ಚಿತಪಾದಪದ್ಮಮ್ |

ಸನ್ತಾನಕಲ್ಪದ್ರುಮಮಾಶ್ರಿತಾನಾಂ

ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ || ೪ ||

ಕಲಿನ್ದಜಾನ್ತಸ್ಥಿತಕಾಲಿಯಸ್ಯ

ಫಣಾಗ್ರರಙ್ಗೇ ನಟನಪ್ರಿಯಂ ತಮ್ |

ತತ್ಪುಚ್ಛಹಸ್ತಂ ಶರದಿನ್ದುವಕ್ತ್ರಂ

ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ || ೫ ||

ಶಿಕ್ಯೇನಿಧಾಯಾಜ್ಯಪಯೋದಧೀನಿ

ಕಾರ್ಯಾತ್‌ಗತಾಯಾಂ ವ್ರಜನಾಯಿಕಾಯಾಮ್ |

ಭುಕ್ತ್ವಾ ಯಥೇಷ್ಟಂ ಕಪಟೇನ ಸುಪ್ತಂ

ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ || ೬ ||

ಲಮ್ಬಾಲಕಂ ಲಮ್ಬಿತಹಾರಯಷ್ಟಿಂ

ಶೃಙ್ಗಾರಲೀಲಾಙ್ಕುರದಂತಪಂಕ್ತಿಮ್ |

ಬಿಮ್ಬಾಧರಾಪೂರಿತವೇಣುನಾದಂ

ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ || ೭ ||

ಉಲೂಖಲೇ ಬದ್ಧಮುದಾರಚೌರ್ಯಂ

ಉತ್ತುಙ್ಗಯುಗ್ಮಾರ್ಜುನಭಙ್ಗಲೀಲಮ್ |

ಉತ್ಫುಲ್ಲ್ಪದ್ಮಾಯತಚಾರುನೇತ್ರಮ್

ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ || ೯ ||

          

ಏವಂ ಮುಕುನ್ದಾಷ್ಟಕಮಾದರೇಣ

ಸಕೃತ್ ಪಠೇದ್ಯಸ್ಸಲಭತೇ ನಿತ್ಯಮ್ |

ಜ್ಞಾನಪ್ರದಂ ಪಾಪಹರಂ ಪವಿತ್ರಂ

ಶ್ರಿಯಂ ಚ ವಿದ್ಯಾಂ ಚ ಯಶಶ್ಚ ಮುಕ್ತಿಮ್ || ೧೦ ||