ಚತುಃಶ್ಲೋಕೀ

 

             ಚತುಃಶ್ಲೋಕೀ

       (ಶ್ರೀ ವಿಟ್ಠಲೇಶ್ವರಪ್ರೋಕ್ತಮ್) 

ಸದಾ ಸರ್ವಾತ್ಮಭಾವೇನ ಭಜನೀಯೋ ವ್ರಜೇಶ್ವರಃ |

ಕರಿಷ್ಯತಿ ಸ ಏವಾಸ್ಮದೈಹಿಕಂ ಪಾರಲೌಕಿಕಮ್ || ೧ ||

ಅನ್ಯಾಶ್ರಯೋ ನ ಕರ್ತವ್ಯಃ ಸರ್ವಥಾ ಬಾಧಕಸ್ತು ಸಃ |

ಸ್ವಕೀಯೇ ಸ್ವಾತ್ಮಭಾವಶ್ಚ ಕರ್ತವ್ಯಃ ಸರ್ವಥಾ ಸದಾ || ೨ ||

ಸದಾ ಸರ್ವಾತ್ಮನಾ ಕೃಷ್ಣಃ ಸೇವ್ಯಃ ಕಾಲಾದಿದೋಷನುತ್ |

ತದ್ಭಕ್ತೇಷು ಚ ನಿರ್ದೋಷಭಾವೇನ ಸ್ಥೇಯಮಾದರಾತ್ || ೩ ||

ಭಗವತ್ಯೇವ ಸತತಂ ಸ್ಥಾಪನೀಯಂ ಮನಃ ಸ್ವಯಮ್ |

ಕಾಲೋಽಯಂ ಕಠಿನೋಽಪಿ ಶ್ರೀಕೃಷ್ಣಭಕ್ತಾನ್ನ ಬಾಧತೇ || ೪ ||