ಗಣೇಶಪ್ರಾತಃಸ್ಮರಣಮ್

            ಗಣೇಶಪ್ರಾತಃಸ್ಮರಣಮ್

   ಪ್ರಾತಃ ಸ್ಮರಾಮಿ ಗಣನಾಥಮನಾಥಬನ್ಧುಂ

   ಸಿಂದೂರಪೂರಪರಿಶೋಭಿತ ಗಣ್ಡಯುಗ್ಮಮ್ |

   ಉದ್ದಣ್ಡವಿಘ್ನಪರಿಖಣ್ಡನಚಣ್ಡದಣ್ಡಂ   

   ಆಖಣ್ಡಲಾದಿ ಸುರನಾಯಕ ವೃನ್ದವನ್ದ್ಯಮ್ || ೧ ||

   ಪ್ರಾತರ್ನಮಾಮಿ ಚತುರಾನನ ವನ್ದ್ಯಮಾನಂ

   ಇಚ್ಛಾನುಕೂಲಮಖಿಲಂಚ ಫಲಂ ದದಾನಮ್ |

   ತಂ ತುಂದಿಲಂ ದ್ವಿರಸನಾಧಿಪ ಯಜ್ಞಸೂತ್ರಂ

   ಪುತ್ರಂ ವಿಲಾಸಚತುರಂ ಶಿವಯೋಃ ಶಿವಾಯ || ೨ ||

   ಪ್ರಾತರ್ಭಜಾಮ್ಯಭಯದಂ ಖಲು ಭಕ್ತ ಶೋಕ-

   ದಾವಾನಲಂ ಗಣವಿಭುಂ ವರಕುಂಜರಾಸ್ಯಮ್ |

   ಅಜ್ಞಾನಕಾನನವಿನಾಶನಹವ್ಯವಾಹಂ

   ಉತ್ಸಾಹವರ್ಧನಮಹಂ ಸುತಮೀಶ್ವರಸ್ಯ || ೩ ||

   ಶ್ಲೋಕತ್ರಯಮಿದಂ ಪುಣ್ಯಂ ಸದಾ ಸಾಮ್ರಾಜ್ಯದಾಯಕಮ್ |

   ಪ್ರಾತರುತ್ಥಾಯ ಸತತಂ ಯಃ ಪಠೇತ್ಪ್ರಯತಃ ಪುಮಾನ್ || ೪ ||

                 ***