ಶ್ರೀವಾತಪುರನಾಥಾಷ್ಟಕಮ್

        ಶ್ರೀವಾತಪುರನಾಥಾಷ್ಟಕಮ್

ಕುನ್ದಸುಮ ಬೃನ್ದಸಮಮನ್ದಹಸಿತಾಸ್ಯಂ

ನನ್ದಕುಲನನ್ದ ಭರ ತುನ್ದಲನಕನ್ದಮ್ |

ಪೂತನಿಜಗೀತಲವಧೂತ ದುರಿತಂ ತಮ್

ವಾತಪುರನಾಥಮಿಮಮಾತನು ಹೃದಬ್ಜೇ || ೧ ||

ನೀಲತರ ಜಾಲಧರ ಭಾಲಹರಿ ರಮ್ಯಂ

ಲೋಲತರ ಶೀಲಯುತ ಬಾಲಜನಲೀಲಮ್ |

ಜಾಲನತಿ ಶೀಲಮಪಿ ಪಾಲಯಿತುಕಾಮಂ

ವಾತಪುರನಾಥಮಿಮಮಾತನು ಹೃದಬ್ಜೇ || ೨ ||

ಕಂಸರಣಹಿಂಸಮಿಹ ಸಂಸರಣಜಾತ-

ಕ್ಲಾನ್ತಿಭರಶಾನ್ತಿಕರ ಕಾನ್ತಿ ಝರವೀರಮ್ |

ವಾತಮುಖ ಧಾತುಜನಿ ಪಾತಭಯಘಾತಂ

ವಾತಪುರನಾಥಮಿಮಮಾತನು ಹೃದಬ್ಜೇ || ೩ ||

ಜಾತು ಧುರಿ ಪಾತುಕಮಿಹಾತುರಜನಂ ದ್ರಾಕ್

ಶೋಕ ಭರಮೂಕಮಪಿ ತೋಕಮಿವ ಪಾನ್ತಮ್ |

ಭೃಙ್ಗರುಚಿಸಂಗರಕೃದಙ್ಗಲತಿಕಂ ತಂ

ವಾತಪುರನಾಥಮಿಮಮಾತನು ಹೃದಬ್ಜೇ || ೪ ||

ಪಾಪಭವತಾಪಭರಕೋಪಶಮನಾರ್ತ್ಥಾ-

ಶ್ವಾಸಕರ ಭಾಸಮೃದುಹಾಸರುಚಿರಾಸ್ಯಮ್ |

ರೋಗಚಯ ಭೋಗಭಯ ವೇಗಹರಮೇಕಂ

ವಾತಪುರನಾಥಮಿಮಮಾತನು ಹೃದಬ್ಜೇ || ೫ ||

ಘೋಷಕುಲ ದೋಷಹರ ವೇಷಮುಪಯಾನ್ತಂ

ಪೂಷಶತ ಭೂಷಕ ವಿಭೂಷಣ ಗಣಾಢ್ಯಮ್ |

ಭುಕ್ತಿಮಪಿ ಮುಕ್ತಿಮಪಿ ಭಕ್ತಿಷು ದದಾನಂ

ವಾತಪುರನಾಥಮಿಮಮಾತನು ಹೃದಬ್ಜೇ || ೬ ||

ಪಾಪಕ ದುರಾಪಮತಿಚಾಪಹರ ಶೋಭ-

ಸ್ವಾಪಘನಮಾಪತದುಮಾಪತಿ ಸಮೇತಮ್ |

ದೀನತರ ದೀನಸುಖದಾನಕೃತ ದೀಕ್ಷಂ

ವಾತಪುರನಾಥಮಿಮಮಾತನು ಹೃದಬ್ಜೇ || ೭ ||

ಪಾದಪತದಾದರಣ ಮೋದಪರಿಪೂರ್ಣಂ

ಜೀವಮುಖ ದೇವಜನ ಸೇವನಫಲಾಙ್ಘ್ರಿಮ್ |

ರೂಕ್ಷ ಭವ ಮೋಕ್ಷಕೃತ ದೀಕ್ಷ ಜನವೀಕ್ಷಂ

ವಾತಪುರನಾಥಮಿಮಮಾತನು ಹೃದಬ್ಜೇ || ೮ ||