ಗೋಪಿಕಾಗೀತಮ್

           ಗೋಪಿಕಾಗೀತಮ್

     (ಶ್ರೀಮದ್ಭಾಗವತಾನ್ತರ್ಗತಮ್)

ಜಯತಿ ತೇಽಧಿಕಂ ಜನ್ಮನಾ ವ್ರಜಃ

ಶ್ರಯತ ಇನ್ದಿರಾ ಶಶ್ವದತ್ರ ಹಿ |

ದಯಿತ ದೃಶ್ಯತಾಂ ದಿಕ್ಷು ತಾವಕಾಃ

ತ್ವಯಿ ಧೃತಾಸವಃ ತ್ವಾಂ ವಿಚಿನ್ವತೇ || ೧ ||

ಶರದುದಾಶಯೇ ಸಾಧುಜಾತಸತ್-

ಸರಸಿಜೋದರಶ್ರೀಮುಷಾ ದೃಶಾ |

ಸುರತನಾಥ ತೇಽಶುಲ್ಕ ದಾಸಿಕಾಃ || ೨ ||

ವರದ ನಿಘ್ನತೋ ನೇಹ ಕಿಂ ವಧಃ

ವಿಷಜಲಾಪ್ಯಯಾತ್ ವ್ಯಾಲರಾಕ್ಷಸಾತ್

ವರ್ಷಮಾರುತಾತ್ ವೈದ್ಯುತಾನಲಾತ್ |

ವೃಷಮಯಾತ್ಮಜಾತ್ ವಿಶ್ವತೋ ಭಯಾತ್

ಋಷಭ ತೇ ವಯಂ ರಕ್ಷಿತಾಃ ಮುಹುಃ || ೩ ||

ನ ಖಲು ಗೋಪಿಕಾನನ್ದನೋ ಭವಾನ್

ಅಖಿಲ ದೇಹಿನಾಂ ಅನ್ತರಾತ್ಮದೃಕ್ |

ವಿಖನಸಾರ್ಥಿತೋ ವಿಶ್ವಗುಪ್ತಯೇ

ಸಖ ಉದೇಯಿವಾನ್ ಸಾತ್ವತಾಂ ಕುಲೇ || ೪ ||

ವಿರಚಿತಾಭಯಂ ವೃಷ್ಣಿಧುರ್ಯ ತೇ

ಚರಣಮೀಯುಷಾಂ ಸಂಸೃತೇರ್ಭಯಾತ್ |

ಕರಸರೋರುಹಂ ಕಾನ್ತ ಕಾಮದಮ್

ಶಿರಸಿ ಧೇಹಿ ನಃ ಶ್ರೀಕರಗ್ರಹಮ್ || ೫ ||

ವ್ರಜಜನಾರ್ತಿಹನ್ ವೀರ ಯೋಷಿತಾಮ್

ನಿಜಜನಸ್ಮಯ ಧ್ವಂಸನಸ್ಮಿತ |

ಭಜ ಸಖೇ ಭವತ್ ಕಿಙ್ಕರೀಃ ಸ್ಮ ನೋ

ಜಲರುಹಾನನಂ ಚಾರು ದರ್ಶಯ || ೬ ||

ಪ್ರಣತದೇಹಿನಾಂ ಪಾಪಕರ್ಶನಮ್

ತೃಣಚರಾನುಗಂ ಶ್ರೀನಿಕೇತನಮ್ |

ಫಣಿಫಣಾರ್ಪಿತಂ ತೇ ಪದಾಂಬುಜಮ್

ಕೃಣು ಕುಚೇಷು ನಃ ಕೃನ್ಧಿ ಹೃಚ್ಛಯಮ್ || ೭ ||

ಮಧುರಯಾ ಗಿರಾ ವಲ್ಗು ವಾಕ್ಯಯಾ

ಬುಧಮನೋಜ್ಞಯಾ ಪುಷ್ಕರೇಕ್ಷಣ |

ವಿಧಿಕರೀರಿಮಾಃ ವೀರ ಮುಹ್ಯತೀಃ

ಅಧರಸೀಧುನಾಽಽಪ್ಯಾಯಸ್ವ ನಃ || ೮ ||

ತವ ಕಥಾಮೃತಂ ತಪ್ತಜೀವನಮ್

ಕವಿಭಿರೀಡಿತಂ ಕಲ್ಮಷಾಪಹಮ್ |

ಶ್ರವಣಮಙ್ಗಲಂ ಶ್ರೀಮದಾತತಮ್

ಭುವಿ ಗೃಣನ್ತಿ ಯೇ ಭೂರಿದಾ ಜನಾಃ || ೯ ||

ಪ್ರಹಸಿತಂ ಪ್ರಿಯ ಪ್ರೇಮ ವೀಕ್ಷಣಮ್

ವಿಹರಣಂ ಚ ತೇ ಧ್ಯಾನಮಙ್ಗಲಮ್ |

ರಹಸಿ ಸಂವಿದೋ ಯಾ ಹೃದಿಸ್ಪೃಹಃ

ಕುಹಕ ನೋ ಮನಃ ಕ್ಷೋಭಯನ್ತಿ ಹಿ || ೧೦ ||

ಚಲಸಿ ಯದ್ವ್ರಜಾತ್ ಚಾರಯನ್ ಪಶೂನ್

ನಲಿನ ಸುನ್ದರಂ ನಾಥ ತೇ ಪದಂ |

ಶಿಲತೃಣಾಙ್ಕುರೈಃ ಸೀದತೀತಿ ನಃ

ಕಲಿಲತಾಂ ಮನಃ ಕಾನ್ತ ಗಚ್ಛತಿ || ೧೧ ||

ದಿನಪರಿಕ್ಷಯೇ ನೀಲಕುನ್ತಲೈಃ

ವನರುಹಾನನಂ ಬಿಭ್ರದಾವೃತಮ್  |

ಘನರಜಸ್ವಲಂ ದರ್ಶಯನ್ ಮುಹುಃ

ಮನಸಿ ನಃ ಸ್ಮರಂ ವೀರ ಯಚ್ಛಸಿ || ೧೨ ||

ಪ್ರಣತಕಾಮದಂ ಪದ್ಮಜಾರ್ಚಿತಮ್

ಧರಣಿಮಣ್ಡನಂ ಧ್ಯೇಯಮಾಪದಿ |

ಚರಣಪಙ್ಕಜಂ ಶನ್ತಮಂ ಚ ತೇ

ರಮಣ ನಃ ಸ್ತನೇಷ್ವರ್ಪಯಾಧಿಹನ್ || ೧೩ ||

ಸುರತವರ್ಧನಂ ಶೋಕನಾಶನಮ್

ಸ್ವರಿತವೇಣುನಾ ಸುಷ್ಠುಚುಮ್ಬಿತಮ್ |

ಇತರರಾಗವಿಸ್ಮಾರಣಂ ನೃಣಾಮ್

ವಿತರ ವೀರ ನಸ್ತೇಽಧರಾಮೃತಮ್ || ೧೪ ||

ಅಟತಿ ಯತ್ ಭವಾನ್ ಅಹ್ನಿ ಕಾನನಮ್

ತ್ರುಟಿರ್ಯುಗಾಯತೇ ತ್ವಾಮಪಶ್ಯತಾಮ್ |

ಕುಟಿಲಕುನ್ತಲಂ ಶ್ರೀಮುಖಂ ಚ ತೇ

ಜಡ ಉದೀಕ್ಷತಾಂ ಪಕ್ಷ್ಮಕೃತ್ ದೃಶಾಮ್ || ೧೫ ||

ಪತಿಸುತಾನ್ವಯ ಭ್ರಾತೃಬಾನ್ಧವಾನ್

ಅತಿವಿಲಙ್ಘ್ಯ ತೇಽನ್ತ್ಯಚ್ಯುತಾಗತಾಃ |

ಗತಿವಿದಸ್ತವೋದ್ಗೀತಮೋಹಿತಾಃ

ಕಿತವ ಯೋಷಿತಃ ಕಸ್ತ್ಯಜೇನ್ನಿಶಿ || ೧೬ ||

ರಹಸಿ ಸಂವಿದಂ ಹೃಚ್ಛಯೋದಯಮ್

ಪ್ರಹಸಿತಾನನಂ ಪ್ರೇಮವೀಕ್ಷಣಮ್ |

ಬೃಹದುರಃ ಶ್ರಿಯೋ ವೀಕ್ಷ್ಯ ಧಾಮ ತೇ

ಮುಹುರತಿಸ್ಪೃಹಾ ಮುಹ್ಯತೇ ಮನಃ || ೧೭ ||

ವ್ರಜವನೌಕಸಾಂ ವ್ಯಕ್ತಿರಙ್ಗ ತೇ

ವೃಜಿನಹನ್ತ್ರ್ಯಲಂ ವಿಶ್ವಮಙ್ಗಲಮ್ |

ತ್ಯಜ ಮನಾಕ್ ಚ ನಃ ತ್ವತ್ಸ್ಪೃಹಾತ್ಮನಾಮ್

ಸ್ವಜನಹೃತ್‌ರುಜಾಂ ಯನ್ನಿಷೂದನಮ್ || ೧೮ ||

ಯಸ್ತೇ ಸುಜಾತಚರಣಾಮ್ಬುರುಹಂ ಸ್ತನೇಷು

ಭೀತಾಃ ಶನೈಃ ಪ್ರಿಯ ದಧೀಮಹಿ ಕರ್ಕಶೇಷು |

ತೇನಾಟವೀಮಟಸಿ ತತ್ ವ್ಯಥತೇ ನ ಕಿಂಸ್ವಿತ್

ಕೂರ್ಪಾದಿಭಿರ್ಭ್ರಮತಿ ಧೀರ್ಭವದಾಯುಷಾಂ ನಃ || ೧೯ ||