ಶ್ರೀರಾಮಾಷ್ಟಕಮ್(ಶ್ರೀ ವ್ಯಾಸವಿರಚಿತಮ್)

ಶ್ರೀರಾಮಾಷ್ಟಕಮ್(ಶ್ರೀ ವ್ಯಾಸವಿರಚಿತಮ್)

ಭಜೇ ವಿಶೇಷಸುನ್ದರಂ ಸಮಸ್ತಪಾಪಖಣ್ಡನಮ್ |

ಸ್ವಭಕ್ತಚಿತ್ತರಞ್ಜನಂ ಸದೈವ ರಾಮಮದ್ವಯಮ್ || ೧ ||

ಜಟಾಕಲಾಪಶೋಭಿತಂ ಸಮಸ್ತಪಾಪನಾಶಕಂ |

ಸ್ವಭಕ್ತಭೀತಿಭಞ್ಜನಂ ಭಜೇ ಹ ರಾಮಮದ್ವಯಮ್ || ೨ ||

ನಿಜಸ್ವರೂಪಬೋಧಕಂ ಕೃಪಾಕರಂ ಭವಾಪಹಮ್ |

ಸಮಂ ಶಿವಂ ನಿರಞ್ಜನಂ ಭಜೇ ಹ ರಾಮಮದ್ವಯಮ್ || ೩ ||

ಸಹಪ್ರಪಞ್ಚಕಲ್ಪಿತಂ ಹ್ಯನಾಮರೂಪವಾಸ್ತವಮ್ |

ನಿರಾಕೃತಿಂ ನಿರಾಮಯಂ ಭಜೇ ಹ ರಾಮಮದ್ವಯಮ್ || ೪ ||

ನಿಷ್ಪ್ರಪಞ್ಚನಿರ್ವಿಕಲ್ಪನಿರ್ಮಲಂ ನಿರಾಮಯಮ್ |

ಚಿದೇಕರೂಪಸನ್ತತಂ ಭಜೇ ಹ ರಾಮಮದ್ವಯಮ್ || ೫ ||

ಭವಾಬ್ಧಿಪೋತರೂಪಕಂ ಹ್ಯಶೇಷದೇಹಕಲ್ಪಿತಮ್ |

ಗುಣಾಕರಂ ಕೃಪಾಕರಂ ಭಜೇ ಹ ರಾಮಮದ್ವಯಮ್ || ೬ ||

ಮಹಾವಾಕ್ಯಬೋಧಕೈರ್ವಿರಾಜಮಾನವಾಕ್ಪದೈಃ |

ಪರಂ ಬ್ರಹ್ಮಸದ್ವ್ಯಾಪಕಂ ಭಜೇ ಹ ರಾಮಮದ್ವಯಮ್ || ೭ ||

ಶಿವಪ್ರದಂ ಸುಖಪ್ರದಂ ಭವಚ್ಛಿದಂ ಭ್ರಮಾಪಹಮ್ |

ವಿರಾಜಮಾನದೇಶಿಕಂ ಭಜೇ ಹ ರಾಮಮದ್ವಯಮ್ || ೮ ||

ರಾಮಾಷ್ಟಕಂ ಪಠತಿ ಯಸ್ಸುಖದಂ ಸುಪುಣ್ಯಂ

ವ್ಯಾಸೇನ ಭಾಷಿತಮಿದಂ ಶೃಣುತೇ ಮನುಷ್ಯಃ

ವಿದ್ಯಾಂ ಶ್ರಿಯಂ ವಿಪುಲಸೌಖ್ಯಮನನ್ತಕೀರ್ತಿಂ

ಸಂಪ್ರಾಪ್ಯ ದೇಹವಿಲಯೇ ಲಭತೇ ಚ ಮೋಕ್ಷಮ್ || ೯ ||