ಶ್ರೀಕೃಷ್ಣಲಹರೀಸ್ತೋತ್ರಮ್

               ಶ್ರೀಕೃಷ್ಣಲಹರೀಸ್ತೋತ್ರಮ್

ಕದಾ ಬೃನ್ದಾರಣ್ಯೇ ವಿಪುಲಯಮುನಾತೀರಪುಲಿನೇ

ಚರನ್ತಂ ಗೋವಿನ್ದಂ ಹಲಧರಸುದಾಮಾದಿಸಹಿತಮ್ |

ಅಹೋ ಕೃಷ್ಣ ಸ್ವಾಮಿನ್ ಮಧುರಮುರಲೀಮೋಹನ ವಿಭೋ

ಪ್ರಸೀದೇತ್ಯಾಕ್ರೋಶನ್ ನಿಮಿಷಮಿವ ನೇಷ್ಯಾಮಿ ದಿವಸಾನ್ || ೧ ||

ಕದಾ ಕಾಲಿನ್ದೀಯೇ ಹರಿಚರಣಮುದ್ರಾಙ್ಕಿತತಟೇ

ಸ್ಮರನ್ ಗೋಪೀನಾಥಂ ಕಮಲನಯನಂ ಸಸ್ಮಿತಮುಖಮ್ |

ಅಹೋ ಕೃಷ್ಣಾನನ್ದಾಮ್ಬುಜವದನ ಭಕ್ತೈಕಸುಲಭ

ಪ್ರಸೀದೇತ್ಯಾಕ್ರೋಶನ್ ನಿಮಿಷಮಿವ ನೇಷ್ಯಾಮಿ ದಿವಸಾನ್ || ೨ ||

ಕದಾಚಿತ್ ಖೇಲನ್ತಂ ವ್ರಜಪರಿಸರೇ ಗೋಪತನಯೈಃ

ಕಥಂಚಿತ್ ಸಂಪ್ರಾಪ್ತಂ ಕಿಮಪಿ ಭಜತಂ ಕಂಜನಯನಮ್ |

ಅಯೇ ರಾಧೇ ಕಿಲ ಹರಸಿ ರಸಿಕೇ ಕಞ್ಚುಕಯುಗಂ

ಪ್ರಸೀದೇತ್ಯಾಕ್ರೋಶನ್ ನಿಮಿಷಮಿವ ನೇಷ್ಯಾಮಿ ದಿವಸಾನ್ || ೩ ||

ಕದಾಚಿತ್ ಗೋಪೀನಾಂ ಹಸಿತಚಕಿತಂ ಸ್ನಿಗ್ಧನಯನಂ

ಸ್ಥಿತಂ ಗೋಪೀವೃನ್ದೇ ನಟಮಿವ ನಟನ್ತಂ ಸುಲಲಿತಮ್ |

ಸುರಾಧೀಶೈಃ ಸರ್ವೈಃ ಸ್ತುತಪದಮಮುಂ ಶ್ರೀಹರಿಮಿತಿ

ಪ್ರಸೀದೇತ್ಯಾಕ್ರೋಶನ್ ನಿಮಿಷಮಿವ ನೇಷ್ಯಾಮಿ ದಿವಸಾನ್ || ೪ ||

ಕದಾಚಿತ್ ಕಾಲಿನ್ದ್ಯಾಂ ತಟತರುಕದಂಬೇ ಸ್ಥಿತಮಮುಂ

ಸ್ಮಯನ್ತಂ ಸಾಕೂತಂ ಹೃತವಸನಗೋಪೀಸ್ತನತಟಮ್ |

ಅಹೋ ಶಕ್ರಾನನ್ದಾಂಬುಜವದನ ಗೋವರ್ದ್ಧನಧರ

ಪ್ರಸೀದೇತ್ಯಾಕ್ರೋಶನ್ ನಿಮಿಷಮಿವ ನೇಷ್ಯಾಮಿ ದಿವಸಾನ್ || ೫ ||

ಕದಾಚಿತ್ ಕಾನ್ತಾರೇ ವಿಜಯಸಖಮಿಷ್ಟಂ ನೃಪಸುತಂ

ವದನ್ತಂ ಪಾर्थॆन्द्रं ನೃಪಸುತ ಸಖೇ ಬನ್ಧುರಿತಿ ಚ |

ಭ್ರಮನ್ತಂ ವಿಶ್ರಾನ್ತಂ ಶ್ರಿತಮುರಸಿ ರಮ್ಯಂ ಹರಿಮಹೋ

ಪ್ರಸೀದೇತ್ಯಾಕ್ರೋಶನ್ ನಿಮಿಷಮಿವ ನೇಷ್ಯಾಮಿ ದಿವಸಾನ್ || ೬ ||