. ದುರ್ಗಾಷ್ಟಕಮ್
ಕಾತ್ಯಾಯನಿ ಮಹಾಮಾಯೇ ಖಡ್ಗಬಾಣಧನುರ್ಧರೇ |
ಖಡ್ಗಧಾರಿಣಿ ಚಣ್ಡಿಶ್ರೀ ದುರ್ಗೇ ದೇವಿ ನಮೋಽಸ್ತು ತೇ || ೧ ||
ವಸುದೇವಸುತೇ ಕಾಲಿ ವಾಸುದೇವಸಹೋದರಿ |
ವಸುನ್ಧರಾಶ್ರಿಯೇ ನನ್ದೇ ದುರ್ಗೇ ದೇವಿ ನಮೋಽಸ್ತು ತೇ || ೨ ||
ಯೋಗನಿದ್ರೇ ಮಹಾನಿದ್ರೇ ಯೋಗಮಾಯೇ ಮಹೇಶ್ವರಿ |
ಯೋಗಸಿದ್ಧಿಕರೇ ಶುದ್ಧೇ ದುರ್ಗೇ ದೇವಿ ನಮೋಽಸ್ತು ತೇ || ೩ ||
ಶಙ್ಖಚಕ್ರಗದಾಪಾಣೇ ಶಾಙ್ರ್ಗಜ್ಯಾಯತಬಾಹವೇ |
ಪೀತಾಮ್ಬರಧರೇ ಧನ್ಯೇ ದುರ್ಗೇ ದೇವಿ ನಮೋಽಸ್ತು ತೇ || ೪ ||
ಋಗ್ಯಜುಸ್ಸಾಮಾಥರ್ವಾಣಶ್ಚತುಸ್ಸಾಮನ್ತಲೋಕಿನಿ |
ಬ್ರಹ್ಮಸ್ವರೂಪಿಣಿ ಬ್ರಾಹ್ಮಿ ದುರ್ಗೇ ದೇವಿ ನಮೋಽಸ್ತು ತೇ || ೫ ||
ವೃಷ್ಣೀನಾಂಕುಲಸಂಭೂತೇ ವಿಷ್ಣುನಾಥಸಹೋದರಿ |
ವೃಷ್ಣಿರೂಪಧರೇ ಧನ್ಯೇ ದುರ್ಗೇ ದೇವಿ ನಮೋಽಸ್ತು ತೇ || ೬ ||
ಸರ್ವಜ್ಞೇ ಸರ್ವಗೇ ಶರ್ವೇ ಸರ್ವೇಶೇ ಸರ್ವಸಾಕ್ಷಿಣಿ |
ಸರ್ವಾಮೃತಜಟಾಭಾರೇ ದುರ್ಗೇ ದೇವಿ ನಮೋಽಸ್ತು ತೇ || ೭ ||
ಅಷ್ಟಬಾಹುಮಹಾಸತ್ವೇ ಅಷ್ಟಮೀನವಮಿಪ್ರಿಯೇ |
ಅಟ್ಟಹಾಸಪ್ರಿಯೇ ಭದ್ರೇ ದುರ್ಗೇ ದೇವಿ ನಮೋಽಸ್ತು ತೇ || ೮ ||
ದುರ್ಗಾಷ್ಟಕಮಿದಂ ಪುಣ್ಯಂ ಭಕ್ತಿತೋ ಯಃ ಪಠೇನ್ನರಃ
|
ಸರ್ವಾನ್ಕಾಮಾನವಾಪ್ನೋತಿ ದುರ್ಗಾಲೋಕಂ ಸ ಗಚ್ಛತಿ || ೯ ||
No comments:
Post a Comment