ಶ್ರೀರಾಜರಾಜೇಶ್ವರ್ಯಷ್ಟಕಮ್

ಶ್ರೀರಾಜರಾಜೇಶ್ವರ್ಯಷ್ಟಕಮ್

ಅಮ್ಬಾ ಶಾಮ್ಭವಿ ಚನ್ದ್ರಮೌಲಿರಬಲಾಽಪರ್ಣಾ ಉಮಾ ಪಾರ್ವತೀ

ಕಾಲೀ ಹೈಮವತೀ ಶಿವಾ ತ್ರಿನಯನೀ ಕಾತ್ಯಾಯನೀ ಭೈರವೀ |

ಸಾವಿತ್ರೀ ನವಯೌವನಾ ಶುಭಕರೀ ಸಾಮ್ರಾಜ್ಯಲಕ್ಷ್ಮೀಪ್ರದಾ

ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ || ೧ ||

ಅಮ್ಬಾ ಮೋಹಿನಿ ದೇವತಾ ತ್ರಿಭುವನೀ ಅನನ್ದಸನ್ದಾಯಿನೀ

ವಾಣೀ ಪಲ್ಲವಪಾಣಿವೇಣುಮುರಲೀಗಾನಪ್ರಿಯಾಲೋಲಿನೀ |

ಕಲ್ಯಾಣೀ ಉಡುರಾಜಬಿಮ್ಬವದನಾ ಧೂಮ್ರಾಕ್ಷಸಂಹಾರಿಣೀ

ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ || ೨ ||

ಅಮ್ಬಾ ನೂಪುರರತ್ನಕಙ್ಕಣಧರೀ ಕೇಯೂರಹಾರಾವಲೀ

ಜಾತೀಚಂಪಕವೈಜಯನ್ತಿಲಹರೀ ಗ್ರೈವೇಯವೈರಾಜಿತಾ |

ವೀಣಾವೇಣುವಿನೋದಮಣ್ಡಿತಕರಾ ವೀರಾಸನಾಸಂಸ್ಥಿತಾ

ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ || ೩ ||

ಅಮ್ಬಾ ರೌದ್ರಿಣಿ ಭದ್ರಕಾಲಿ ಬಗಲಾ ಜ್ವಾಲಾಮುಖೀ ವೈಷ್ಣವೀ

ಬ್ರಹ್ಮಾಣೀ ತ್ರಿಪುರಾನ್ತಕೀ ಸುರನುತಾ ದೇದೀಪ್ಯಮನೋಜ್ಜ್ವಲಾ |

ಚಾಮುಣ್ಡಾ ಶ್ರಿತರಕ್ಷಪೋಷಜನನೀ ದಾಕ್ಷಾಯಣೀ ವಲ್ಲವೀ

ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ || ೪ ||

ಅಮ್ಬಾ ಶೂಲಧನುಃ ಕುಶಾಙ್ಕುಶಧರೀ ಅರ್ದ್ಧೇನ್ದುಬಿಮ್ಬಾಧರೀ

ವಾರಾಹೀ ಮಧುಕೈಟಭಪ್ರಶಮನೀ ವಾಣೀರಮಾಸೇವಿತಾ |

ಮಲ್ಲಾದ್ಯಾಸುರಮೂಕದೈತ್ಯದಮನೀ ಮಾಹೇಶ್ವರೀ ಚಾಂಬಿಕಾ

ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ || ೫ ||

ಅಮ್ಬಾ ಸೃಷ್ಟಿವಿನಾಶಪಾಲನಕರೀ ಆರ್ಯಾ ವಿಶಂಶೋಭಿತಾ

ಗಾಯತ್ರೀ ಪ್ರಣವಾಕ್ಷರಾಮೃತರಸಾ ಪೂರ್ಣಾನುಸನ್ಧೀಕೃತಾ |

ಓಙ್ಕಾರೀ ವಿನತಾಸುತಾರ್ಚಿತಪದಾ ಉದ್ದಣ್ಡದೈತ್ಯಾಪಹಾ

ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ || ೬ ||

ಅಮ್ಬಾ ಶಾಶ್ವತ ಆಗಮಾದಿವಿನುತಾ ಆರ್ಯಾ ಮಹಾದೇವತಾ

ಯಾ ಬ್ರಹ್ಮಾದಿ ಪಿಪೀಲಿಕಾನ್ತಜನನೀ ಯಾ ವೈ ಜಗನ್ಮೋಹಿನೀ |

ಯಾ ಪಞ್ಚಪ್ರಣವಾದಿರೇಫಜನನೀ ಯಾ ಚಿತ್ಕಲಾಮಾಲಿನೀ

ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ || ೭ ||

ಅಮ್ಬಾಪಾಲಿತಭಕ್ತರಾಜರನಿಶಂ ಅಮ್ಬಾಷ್ಟಕಂ ಯಃ ಪಠೇತ್

ಅಮ್ಬಾ ಲೋಕಕಟಾಕ್ಷವೀಕ್ಷಲಲಿತಂ ಚೈಶ್ವರ್ಯಮವ್ಯಾಹತಮ್ |

ಅಮ್ಬಾ ಪಾವನ ಮನ್ತ್ರರಾಜಪಠನಾದನ್ತೇ ಚ ಮೋಕ್ಷಪ್ರದಾ

ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ || ೮ ||