ಆದಿತ್ಯಸ್ತೋತ್ರಮ್

                  ಆದಿತ್ಯಸ್ತೋತ್ರಮ್

ಹಂಸಾಯ ಭುವನಧ್ವಾನ್ತಧ್ವಂಸಾಯಾಽಮಿತತೇಜಸೇ|

ಹಂಸವಾಹನರೂಪಾಯ ಭಾಸ್ಕರಾಯ ನಮೋ ನಮಃ|| ೧||

ವೇದಾನ್ತಾಯ ಪತಙ್ಗಾಯ ವಿಹಂಗಾರೂಢಮೂರ್ತಯೇ|

ಹರಿದ್ವರ್ಣತುರಂಗಾಯ ಭಾಸ್ಕರಾಯ ನಮೋ ನಮಃ|| ೨||

ಭುವನತ್ರಯದೀಪಾಯ ಭುಕ್ತಿಮುಕ್ತಿಪ್ರದಾಯ ಚ|

ಭಕ್ತದಾರಿದ್ರ್ಯನಾಶಾಯ ಭಾಸ್ಕರಾಯ ನಮೋ ನಮಃ|| ೩||

ಲೋಕಾಲೋಕಪ್ರಕಾಶಾಯ ಸರ್ವಲೋಕೈಕಚಕ್ಷುಷೇ|

ಲೋಕೋತ್ತರಚರಿತ್ರಾಯ ಭಾಸ್ಕರಾಯ ನಮೋ ನಮಃ|| ೪||

ಸರ್ವಲೋಕಪ್ರಕಾಶಾಯ ಸಪ್ತಸಪ್ತಿರಥಾಯ ಚ |

ಸಪ್ತದ್ವೀಪಪ್ರಕಾಶಾಯ ಭಾಸ್ಕರಾಯ ನಮೋ ನಮಃ|| ೫||

ಮಾರ್ತಾಣ್ಡಾಯ ದ್ಯುಮಣಯೇ ಭಾನವೇ ಚಿತ್ರಭಾನವೇ|

ಪ್ರಭಾಕರಾಯ ಮಿತ್ರಾಯ ಭಾಸ್ಕರಾಯ ನಮೋ ನಮಃ|| ೬||

ನಮಸ್ತೇ ಬ್ರಹ್ಮರೂಪಾಯ ನಮಸ್ತೇ ವಿಷ್ಣುರೂಪಿಣೇ|

ನಮಸ್ತೇ ರುದ್ರರೂಪಾಯ ಭಾಸ್ಕರಾಯ ನಮೋ ನಮಃ|| ೭||

ಸರ್ವಜ್ಞಾನಸ್ವರೂಪಾಯ ಸಹಸ್ರಕಿರಣಾಯ ಚ|

ಗೀರ್ವಾಣಭೀತಿನಾಶಾಯ ಭಾಸ್ಕರಾಯ ನಮೋ ನಮಃ|| | ೮||

ಸರ್ವದುಃಖೋಪಶಾನ್ತಾಯ ಸರ್ವಪಾಪಹರಾಯ ಚ|

ಸರ್ವವ್ಯಾಧಿವಿನಾಶಾಯ ಭಾಸ್ಕರಾಯ ನಮೋ ನಮಃ|| | ೯||

ಸಹಸ್ರಪತ್ರನೇತ್ರಾಯ ಸಹಸ್ರಾಕ್ಷಸ್ತುತಾಯ ಚ|

ಸಹಸ್ರನಾಮಧೇಯಾಯ ಭಾಸ್ಕರಾಯ ನಮೋ ನಮಃ|| | ೧೦||

ನಿತ್ಯಾಯ ನಿರವದ್ಯಾಯ ನಿರ್ಮಲಜ್ಞಾನಮೂರ್ತಯೇ|

ನಿಗಮಾರ್ಥಪ್ರಕಾಶಾಯ ಭಾಸ್ಕರಾಯ ನಮೋ ನಮಃ|| | ೧೧||

ಆದಿಮಧ್ಯಾನ್ತಶೂನ್ಯಾಯ ವೇದವೇದಾನ್ತವೇದಿನೇ|

ನಾದಬಿನ್ದುಸ್ವರೂಪಾಯ ಭಾಸ್ಕರಾಯ ನಮೋ ನಮಃ|| ೧೨||

ನಿರ್ಮಲಜ್ಞಾನರೂಪಾಯ ರಮ್ಯತೇಜಃಸ್ವರೂಪಿಣೇ|

ಬ್ರಹ್ಮತೇಜಸ್ವರೂಪಾಯ ಭಾಸ್ಕರಾಯ ನಮೋ ನಮಃ|| ೧೩||

 

ನೀತಿಜ್ಞಾನಾಯ ನಿತ್ಯಾಯ ನಿರ್ಮಲಜ್ಞಾನಮೂರ್ತಯೇ

ನಿಗಮಾರ್ಥಪ್ರಕಾಶಾಯ ಭಾಸ್ಕರಾಯ ನಮೋ ನಮಃ|| | ೧೪||

ಕಷ್ಟವ್ಯಾಧಿವಿನಾಶಾಯ ದುಷ್ಟವ್ಯಾಧಿಹರಾಯ ಚ|

ಇಷ್ಟಾರ್ಥದಾಯಿನೇ ತಸ್ಮೈ ಭಾಸ್ಕರಾಯ ನಮೋ ನಮಃ|| | ೧೫||

ಭವರೋಗೈಕವೈದ್ಯಾಯ ಸರ್ವರೋಗಾಪಹಾರಿಣೇ|

ಏಕನೇತ್ರಸ್ವರೂಪಾಯ ಭಾಸ್ಕರಾಯ ನಮೋ ನಮಃ|| | ೧೬||

ದಾರಿದ್ರ್ಯದೋಷನಾಶಾಯ ಘೋರಪಾಪಹರಾಯ ಚ|

ಹಿರಣ್ಯವರ್ಣದೇಹಾಯ ಭಾಸ್ಕರಾಯ ನಮೋ ನಮಃ|| | ೧೭||

ಸರ್ವಸಂಪದ್ಪ್ರದಾತ್ರೇ ಚ ಸರ್ವದುಃಖವಿನಾಶಿನೇ|

ಸರ್ವೋಪದ್ರವನಾಶಾಯ ಭಾಸ್ಕರಾಯ ನಮೋ ನಮಃ|| | ೧೮||

ನಮೋ ಧರ್ಮನಿದಾನಾಯ ನಮಸ್ಸುಕೃತಸಾಕ್ಷಿಣೇ|

ನಮಃ ಪ್ರತ್ಯಕ್ಷರೂಪಾಯ ಭಾಸ್ಕರಾಯ ನಮೋ ನಮಃ|| | ೧೯||

ಸರ್ವಲೋಕೈಕಪೂರ್ಣಾಯ ಕಲಿಕರ್ಮಾಘಹಾರಿಣೇ|

ನಮಃ ಪುಣ್ಯಸ್ವರೂಪಾಯ ಭಾಸ್ಕರಾಯ ನಮೋ ನಮಃ|| | ೨೦||

ದ್ವನ್ದ್ವವ್ಯಾಧಿವಿನಾಶಾಯ ಸರ್ವದುಃಖವಿನಾಶಿನೇ|

ನಮಸ್ತಾಪತ್ರಯಘ್ನಾಯ ಭಾಸ್ಕರಾಯ ನಮೋ ನಮಃ|| | ೨೧||

ಕಾಲರೂಪಾಯ ಕಲ್ಯಾಣಮೂರ್ತಯೇ ಕಾರಣಾಯ ಚ|

ವೇದ್ಯಾಯ ಭಯಸಂಹರ್ತ್ರೇ ಭಾಸ್ಕರಾಯ ನಮೋ ನಮಃ|| | ೨೨||