ಶ್ರೀಹರಿಹರಪುತ್ರಾಷ್ಟೋತ್ತರಶತನಾಮಸ್ತೋತ್ರಮ್

ಶ್ರೀಹರಿಹರಪುತ್ರಾಷ್ಟೋತ್ತರಶತನಾಮಸ್ತೋತ್ರಮ್

ಮಹಾಶಾಸ್ತಾ ಮಹಾದೇವೋ ಮಹಾದೇವಸುತೋಽವ್ಯಯಃ

ಲೋಕಕರ್ತಾ ಲೋಕಭರ್ತಾ ಲೋಕಹನ್ತಾ ಪರಾತ್ಪರಃ ||೧-೮||

ತ್ರಿಲೋಕರಕ್ಷಕೋ ಧನ್ವೀ ತಪಸ್ವೀ ಭೂತಸೈನ್ಯಕಃ

ಮನ್ತ್ರವೇತ್ತಾ ಮಹಾವೇತ್ತಾ ಮಾರುತೋ ಜಗದೀಶ್ವರಃ ||೯-೧೬||

ಲೋಕಾಧ್ಯಕ್ಷೋಽಗ್ರಣೀ ಶ್ರೀಮಾನ್ ಅಪ್ರಮೇಯಪರಾಕ್ರಮಃ

ಸಿಂಹಾರೂಢೋ ಗಜಾರೂಢೋ ಹಯಾರೂಢೋ ಮಹೇಶ್ವರಃ ||೧೭-೨೪||

ನಾನಾಶಾಸ್ತ್ರಧರೋಽನರ್ಘಃ ನಾನಾವಿದ್ಯಾವಿಶಾರದಃ

ನಾನಾರೂಪಧರೋ ವೀರಃ ನಾನಾಪ್ರಾಣಿನಿಷೇವಿತಃ ||೨೫-೩೦||

ಭೂತೇಶಃ ಪೂಜಿತೋ ಭೃತ್ಯೋ ಭುಜಂಗಾಭರಣೋತ್ತಮಃ

ಇಕ್ಷುಧನ್ವೀ ಪುಷ್ಪಬಾಣೋ ಮಹಾರೂಪೋ ಮಹಾಪ್ರಭುಃ ||೩೧-೩೮||

ಮಾಯಾದೇವೀಸುತೋ ಮಾನ್ಯೋ ಮಹಾನೀತೋ ಮಹಾಗುಣಃ

ಮಹಾಶೈವೋ ಮಹಾರುದ್ರೋ ವೈಷ್ಣವೋ ವಿಷ್ಣುಪೂಜಕಃ  ||೩೯-೪೬||

ವಿಘ್ನೇಶೋ ವೀರಭದ್ರೇಶೋ ಭೈರವೋ ಷಣ್ಮುಖಧ್ರುವಃ

ಮೇರುಶೃಂಗಸಮಾಸೀನೋ ಮುನಿಸಂಘನಿಷೇವಿತಃ  ||೪೭-೫೨||

ದೇವೋ ಭದ್ರೋ ಜಗನ್ನಾಥಃ ಗಣನಾಥೋ ಗಣೇಶ್ವರಃ

ಮಹಾಯೋಗೀ ಮಹಾಮಾಯೀ ಮಹಾಜ್ಞಾನೀ ಮಹಾಧಿಪಃ ||೫೩-೬೧||

ದೇವಶಾಸ್ತಾ ಭೂತಶಾಸ್ತಾ ಭೀಮಹಾಸಪರಾಕ್ರಮಃ

ನಾಗಹಾರೋ ನಾಗೇಶೋ ವ್ಯೋಮಕೇಶಃ ಸನಾತನಃ ||೬೨-೬೮||

ಕಾಲಜ್ಞೋ ನಿರ್ಗುಣೋ ನಿತ್ಯೋ ನಿತ್ಯತೃಪ್ತೋ ನಿರಾಶ್ರಯಃ

ಲೋಕಾಶ್ರಯೋ ಗುಣಾಧೀಶಃ ಚತುಃಷಷ್ಟಿಕಲಾಮಯಃ ||೬೯-೭೬||

ಋಗ್ಯಜುಃಸಾಮರೂಪೀ ಚ ಮಲ್ಲಕಾಸುರಭಞ್ಜನಃ

ತ್ರಿಮೂರ್ತಿರ್ದೈತ್ಯಮಥನೋ ಪ್ರಕೃತಿಃ ಪುರುಷೋತ್ತಮಃ  ||೭೭-೮೨||

ಸುಗುಣಶ್ಚ ಮಹಾಜ್ಞಾನೀ ಕಾಮದಃ ಕಮಲೇಕ್ಷಣಃ

ಕಲ್ಪವೃಕ್ಷೋ ಮಹಾವೃಕ್ಷೋ ವಿದ್ಯಾವೃಕ್ಷೋ ವಿಭೂತಿದಃ ||೮೩-೯೦||

ಸಂಸಾರತಾಪವಿಚ್ಛೇತ್ತಾ ಪಶುಲೋಕಭಯಂಕರಃ

ರೋಗಹನ್ತಾ ಪ್ರಾಣದಾತಾ ಪರಗರ್ವವಿಭಞ್ಜನಃ||೯೧-೯೫||

ಸರ್ವಶಾಸ್ತ್ರಾರ್ಥತತ್ತ್ವಜ್ಞಃನೀತಿಮಾನ್ ಪಾಪಭಞ್ಜನಃ

ಪುಷ್ಕಲಾಪೂರ್ಣಸಮ್ಯುಕ್ತೋ ಪರಮಾತ್ಮಾ ಸತಾಮ್ಗತಿಃ||೯೬-೧೦೧||

ಅನನ್ತಾದಿತ್ಯಸಂಕಾಶಃ ಸುಬ್ರಹ್ಮಣ್ಯಾನುಜೋ ಬಲೀ

ಭಕ್ತಾನುಕಂಪೀ ದೇವೇಶೋ ಭಗವಾನ್ ಭಕ್ತವತ್ಸ್ಲಃ  ||೧೦೨-೧೦೮||