ಶ್ರೀಕೃಷ್ಣಾಷ್ಟೋತ್ತರಶತನಾಮಸ್ತೋತ್ರಮ್

 ಶ್ರೀಕೃಷ್ಣಾಷ್ಟೋತ್ತರಶತನಾಮಸ್ತೋತ್ರಮ್

ಶ್ರೀಕ್ರುಷ್ಣಃ ಕಮಲಾನಾಥೋ ವಾಸುದೇವಃ ಸನಾತನಃ

ವಸುದೇವಾತ್ಮಜಃ ಪುಣ್ಯೋ ಲೀಲಾಮಾನುಷವಿಗ್ರಹಃ  ||೧-೭||

ಶ್ರೀವತ್ಸಕೌಸ್ತುಭಧರೋ ಯಶೋದಾವತ್ಸಲೋ ಹರಿಃ

ಚತುರ್ಭುಜಾತ್ತಚಕ್ರಾಸಿಗದಾಶಂಖಾದ್ಯುದಾಯುಧಃ     ||೮-೧೧||

ದೇವಕೀನನ್ದನಃ ಶ್ರೀಶೋ ನನ್ದಗೋಪಪ್ರಿಯಾತ್ಮಜಃ

ಯಮುನಾವೇಗಸಂಹಾರೀ ಬಲಭದ್ರಪ್ರಿಯಾನುಜಃ      ||೧೨-೧೬||

’

ಪೂತನಾಜೀವಿತಹರಃ ಶಕಟಾಸುರಭಞ್ಜನಃ

ನನ್ದವ್ರಜಜನಾನನ್ದೀ ಸಚ್ಚಿದಾನನ್ದವಿಗ್ರಹಃ  ||೧೭-೨೦||

ನವನೀತವಿಲಿಪ್ತಾಙ್ಗೋ ನವನೀತನಟೋಽನಘಃ

ನವನೀತನವಾಹಾರೋ ಮುಚುಕುಂದಪ್ರಸಾದಕಃ      ||೨೧-೨೫||

ಷೋಡಶಸ್ತ್ರೀಸಹಸ್ರೇಶೋ ತ್ರಿಭಂಗೀಲಲಿತಾಕೃತಿಃ

ಶುಕವಾಗಮೃತಾಬ್ಧೀನ್ದುಃ ಗೋವಿನ್ದೋ ಗೋವಿದಾಂ ಪತಿಃ||೨೬-೩೦||

ವತ್ಸವಾಟಚರೋಽನನ್ತೋ ಧೇನುಕಾಸುರಮರ್ದ್ದನಃ

ತೃಣೀಕೃತತೃಣಾವರ್ತೋ ಯಮಲಾರ್ಜುನಭಞ್ಜನಃ     ||೩೧-೩೫||

ಉತ್ತಾಲತಾಲಭೇತ್ತಾ ಚ ತಮಾಲಶ್ಯಾಮಲಾಕೃತಿಃ

ಗೋಪಗೋಪೀಶ್ವರೋ ಯೋಗೀ ಕೋಟಿಸೂರ್ಯಸಮಪ್ರಭಃ   ||೩೬-೪೦||

ಇಲಾಪತಿಃ ಪರಂಜ್ಯೋತಿಃ ಯಾದವೇನ್ದ್ರೋ ಯದೂದ್ವಹಃ

ವನಮಾಲೀ ಪೀತವಾಸಾ ಪಾರಿಜಾತಾಪಹಾರಕಃ  ||೪೧-೪೭||

ಗೋವರ್ಧನಾಚಲೋದ್ಧರ್ತ್ತಾ ಗೋಪಾಲಸ್ಸರ್ವಪಾಲಕಃ

ಅಜೋ ನಿರಞ್ಜನಃ ಕಾಮಜನಕಃ ಕಞ್ಜಲೋಚನಃ||೪೮-೫೪||

ಮಧುಹಾ ಮಥುರಾನಾಥೋ ದ್ವಾರಕಾನಾಯಕೋ ಬಲೀ

ವೃನ್ದಾವನಾಂತಸಞ್ಚಾರೀ ತುಲಸೀದಾಮಭೂಷಣಃ   ||೫೫-೬೦||

ಸ್ಯಮನ್ತಕಮಣೇರ್ಹರ್ತಾ ನರನಾರಾಯಣಾತ್ಮಕಃ

ಕುಬ್ಜಾಕೃಷ್ಟಾಂಬರಧರೋ ಮಾಯೀ ಪರಮಪೂರುಷಃ     ||೬೧-೬೫||

ಮುಷ್ಟಿಕಾಸುರಚಾಣೂರಮಲ್ಲಯುದ್ಧವಿಶಾರದಃ

ಸಂಸಾರವೈರಿ ಕಂಸಾರೀ ಮುರಾರೀ ನರಕಾನ್ತಕಃ ||೬೬-೭೦||

ಅನಾದಿಬ್ರಹ್ಮಚಾರೀ ಚ ಕೃಷ್ಣಾವ್ಯಸನಕರ್ಶಕಃ

ಶಿಶುಪಾಲಶಿರಚ್ಛೇತ್ತಾ ದುರ್ಯೋಧನಕುಲಾನ್ತಕಃ ||೭೧-೭೪||

ವಿದುರಾಕ್ರೂರವರದೋ ವಿಶ್ವರೂಪಪ್ರದರ್ಶಕಃ

ಸತ್ಯವಾಕ್ಸತ್ಯಸಂಕಲ್ಪಃ ಸತ್ಯಭಾಮಾರತೋ ಜಯೀ ||೭೫-೮೦||

ಸುಭದ್ರಾಪೂರ್ವಜೋ ವಿಷ್ಣುಃ ಭೀಷ್ಮಮುಕ್ತಿಪ್ರದಾಯಕಃ

ಜಗದ್ಗುರುರ್ಜಗನ್ನಾಥೋ ವೇಣುನಾದವಿಶಾರದಃ    ||೮೧-೮೬||

ವೃಷಭಾಸುರವಿಧ್ವಂಸೀ ಬಾಣಾಸುರಬಲಾಂತಕಃ

ಯುಧಿಷ್ಠಿರಪ್ರತಿಷ್ಠಾತಾ ಬರ್ಹಿಬರ್ಹಾವತಂಸಕಃ  ||೮೭-೯೦||

ಪಾರ್ಥಸಾರಥಿರವ್ಯಕ್ತೋ ಗೀತಾಮೃತಮಹೋದಧಿಃ

ಕಾಲೀಯಫಣಿಮಾಣಿಕ್ಯರಞ್ಜಿತಶ್ರೀಪದಾಂಬುಜಃ ||೯೧-೯೪||

ದಾಮೋದರೋ ಯಜ್ಞಭೋಕ್ತಾ ದಾನವೇನ್ದ್ರವಿನಾಶಕಃ

ನಾರಾಯಣಃ ಪರಂಬ್ರಹ್ಮ ಪನ್ನಗಾಶನವಾಹನಃ ||೯೫-೧೦೦||

ಜಲಕ್ರೀಡಾಸಮಾಸಕ್ತಗೋಪೀವಸ್ತ್ರಾಪಹಾರಕಃ

ಪುಣ್ಯಶ್ಲೋಕಸ್ತೀರ್ಥಪಾದೋ ವೇದವೇದ್ಯೋ ದಯಾನಿಧಿಃ ||೧೦೧-೧೦೫||

ಸರ್ವಭೂತಾತ್ಮಕಸ್ಸರ್ವಗ್ರಹರೂಪೀ ಪರಾತ್ಪರಃ ||೧೦೬-೧೦೮||

ಏವಂ ಕೃಷ್ಣಸ್ಯ ದೇವಸ್ಯ ನಾಮ್ನಾಮಷ್ಟೋತ್ತರಂ ಶತಂ

ಕೃಷ್ಣನಾಮಾಮೃತಂ ನಾಮ ಪರಮಾನನ್ದಕಾರಕಂ

ಅತ್ಯುಪದ್ರವದೋಷಘ್ನಂ ಪರಮಾಯುಷ್ಯವರ್ಧನಮ್