ಗೋವಿನ್ದಪಞ್ಚವಿಂಶತಿಸ್ತೋತ್ರಮ್

ಗೋವಿನ್ದಪಞ್ಚವಿಂಶತಿಸ್ತೋತ್ರಮ್

ಈಶ್ವರಃ ಪರಮಃ ಕೃಷ್ಣಃ

ಸಚ್ಚಿದಾನನ್ದವಿಗ್ರಹಃ|

ಅನಾದಿರಾದಿರ್ಗೋವಿನ್ದಃ

ಸರ್ವಕಾರಣಕಾರಣಮ್ ||೧||

ಚಿನ್ತಾಮಣಿಪ್ರಕರಸದ್ಮಸು  ಕಲ್ಪವೃಕ್ಷ-

ಲಕ್ಷಾವೃತೇಷು  ಸುರಭೀರಭಿಪಾಲಯನ್ತಮ್ |

ಲಕ್ಷ್ಮೀಸಹಸ್ರಶತಸಂಭ್ರಮಸೇವ್ಯಮಾನಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೨||

ವೇಣುಂ ಕ್ವಣನ್ತಮರವಿನ್ದದಲಾಯತಾಕ್ಷಂ

ಬರ್ಹಾವತಂಸಮಸಿತಾಂಬುದಸುನ್ದರಾಂಗಮ್|

ಕನ್ದರ್ಪಕೋಟಿಕಮನೀಯವಿಶೇಷಶೋಭಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೩||

ಆಲೋಲಚನ್ದ್ರಕಲಸದ್ವನಮಾಲ್ಯವಂಶೀ-

ರತ್ನಾಙ್ಗದಂ ಪ್ರಣಯಕೇಲಿಕಲಾವಿಲಾಸಮ್|

ಶ್ಯಾಮಂ ತ್ರಿಭಙ್ಗಲಲಿತಂ ನಿಯತಪ್ರಕಾಶಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೪||

ಅಙ್ಗಾನಿ ಯಸ್ಯ ಸಕಲೇನ್ದ್ರಿಯವೃತ್ತಿಮನ್ತಿ

ಪಶ್ಯನ್ತಿ ಪಾನ್ತಿ ಕಲಯನ್ತಿ ಚಿರಂ ಜಗನ್ತಿ |

ಆನನ್ದಚಿನ್ಮಯಸದುಜ್ಜ್ವಲವಿಗ್ರಹಸ್ಯ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೫||

ಅದ್ವೈತಮಚ್ಯುತಮನಾದಿಮನನ್ತರೂಪಂ

ಆದ್ಯಂ ಪುರಾಣಪುರುಷಂ ನವಯൗವನಂ ಚ|

ವೇದೇಷು ದುರ್ಲಭಮದುರ್ಲಭಮಾತ್ಮಭಕ್ತൗ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೬||

ಪನ್ಥಾಸ್ತು ಕೋಟಿಶತವತ್ಸರಸಂಪ್ರಗಮ್ಯೋ

ವಾಯೋರಥಾಪಿ ಮನಸೋ ಮುನಿಪುಙ್ಗವಾನಾಮ್ |

ಸೋಽಪ್ಯಸ್ತಿ ಯತ್ಪ್ರಪದಸೀಮ್ನ್ಯವಿಚಿನ್ತ್ಯ ತತ್ತ್ವೇ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೭||

ಏಕೋಽಪ್ಯಸൗ ರಚಯಿತುಂ ಜಗದಣ್ಡಕೋಟಿಂ

ಯಚ್ಛಕ್ತಿರಸ್ತಿ ಜಗದಣ್ಡಚಯೇ ಯದನ್ತಃ|

ಅಣ್ಡಾನ್ತರಸ್ಥಪರಮಾಣುಚಯಾನ್ತರಸ್ಥಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೮||

ಯದ್ಭಾವಭಾವಿತಧಿಯೋ ಮನುಜಾಸ್ತಥೈವ

ಸಂಪ್ರಾಪ್ಯರೂಪಮಹಿಮಾಸನಯಾನಭೂಷಾಃ|

ಸೂಕ್ತೈರ್ಯಮೇವ ನಿಗಮಪ್ರಥಿತೈಃ ಸ್ತುವನ್ತಿ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೯||

ಆನನ್ದಚಿನ್ಮಯರಸಪ್ರತಿಭಾವಿತಾಭಿ-

ಸ್ತಾಭಿರ್ಯ ಏವ ನಿಜರೂಪತಯಾ ಕಲಾಭಿಃ

ಗೋಲೋಕ ಏವ ನಿವಸತ್ಯಖಿಲಾತ್ಮಭೂತೋ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೧೦||

ಪ್ರೇಮಾಞ್ಜನಚ್ಛುರಿತಭಕ್ತಿವಿಲೋಚನೇನ

ಸನ್ತಃ ಸದೈವ ಹೃದಯೇಷು ವಿಲೋಕಯನ್ತಿ

ಯಂ ಶ್ಯಾಮಸುನ್ದರಮಚಿನ್ತ್ಯಗುಣಸ್ವರೂಪಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೧೧||

ರಾಮಾದಿ ಮೂರ್ತಿಷು ಕಲಾನಿಯಮೇನ ತಿಷ್ಠನ್

ನಾನಾವತಾರಮಕರೋದ್ಭುವನೇಷು ಕಿನ್ತು |

ಕೃಷ್ಣಃ ಸ್ವಯಂ ಸಮಭವತ್ ಪರಮಃ ಪುಮಾನ್ ಯೋ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೧೨||

ಯಸ್ಯ ಪ್ರಭಾ ಪ್ರಭವತೋ ಜಗದಣ್ಡಕೋಟಿ-

ಕೋಟಿಷ್ವಶೇಷವಸುಧಾದಿವಿಭೂತಿಭಿನ್ನಮ್ |

ತದ್ಬ್ರಹ್ಮ ನಿಷ್ಕಲಮನನ್ತಮಶೇಷಭೂತಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೧೩||

ಮಾಯಾ ಹಿ ಯಸ್ಯ ಜಗದಣ್ಡಶತಾನಿ ಸೂತೇ

ತ್ರೈಗುಣ್ಯತದ್ವಿಷಯವೇದವಿತಾಯಮಾನಾ

ಸತ್ತ್ವಾವಲಂಬಿಪರಸತ್ತ್ವವಿಶುದ್ಧಸತ್ತ್ವಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೧೪||

ಆನನ್ದಚಿನ್ಮಯರಸಾತ್ಮಕತಯಾ ಮನಃಸು

ಯಃ ಪ್ರಾಣಿನಾಂ ಪ್ರತಿಫಲಂ ಸ್ಮರತಾಮುಪೇತ್ಯ|

ಲೀಲಾಯಿತೇನ ಭುವನಾನಿ ಜಯತ್ಯಜಸ್ರಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೧೫||

ಸೃಷ್ಟಿಸ್ಥಿತಿಪ್ರಲಯಸಾಧನಶಕ್ತಿರೇಕಾ

ಛಾಯೇವ ಯಸ್ಯ ಭುವನಾನಿ ಬಿಭರ್ತಿ ದುರ್ಗಾ|

ಇಚ್ಛಾನುರೂಪಮಪಿ ಯಸ್ಯ ಚ ಚೇಷ್ಟತೇ ಸಾ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೧೫||

ಕ್ಷೀರಂ ಯಥಾ ದಧಿವಿಕಾರವಿಶೇಷಯೋಗಾತ್

ಸಞ್ಜಾಯತೇ ನಹಿ ತತಃ ಪೃಥಗಸ್ತಿ ಹೇತೋಃ|

ಯತ್ಸಮ್ಭೂತಮಪಿ ತಥಾ ಸಮುಪೈತಿ ಕಾರ್ಯಾದ್

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೧೬||

ಯಃ ಕಾರಣಾರ್ಣವಜಲೇ ಭಜತಿ ಸ್ಮ ಯೋಗ-

ನಿದ್ರಾಮನನ್ತಜಗದಣ್ಡಸರೋಮಕೂಪಃ

ಆಧಾರಶಕ್ತಿಮವಲಂಬ್ಯ ಪರಂ ಸ್ವಮೂರ್ತಿಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೧೭||

ಯಸ್ಯೈಕನಿಃಶ್ವಸಿತಕಾಲಮಥಾವಲಂಬ್ಯ

ಜೀವನ್ತಿ ಲೋಮವಿಲಜಾ ಜಗದಣ್ಡನಾಥಾಃ|

ವಿಷ್ಣುರ್ಮಹಾನ್ ಸ ಇಹ ಯಸ್ಯ ಕಲಾವಿಶೇಷೋ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೧೮||

ಭಾಸ್ವಾನ್ಯಥಾಶ್ಮಶಕಲೇಷು ನಿಜೇಷು ತೇಜಃ

ಸ್ವೀಯಂ ಕಿಯತ್ಪ್ರಕಟಯತ್ಯಪಿ ತದ್ವದತ್ರ |

ಬ್ರಹ್ಮಾ ಯ ಏಷ ಜಗದಣ್ಡವಿಧಾನಕರ್ತಾ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೧೯||

ಯತ್ಪಾದಪಲ್ಲವಯುಗಂ ವಿನಿಧಾಯ ಕುಂಭ-

ದ್ವನ್ದ್ವೇ ಪ್ರಣಾಮಸಮಯೇ ಸ ಗಣಾಧಿರಾಜಃ|

ವಿಘ್ನಾನ್ವಿಹನ್ತುಮಲಮಸ್ಯಜಗತ್ತ್ರಯಸ್ಯ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೨೦||

ಅಗ್ನಿರ್ಮಹೀಗಗನಮಮ್ಬುಮರುದ್ದಿಶಾಶ್ಚ

ಕಾಲಸ್ತಥಾತ್ಮಮನಸೀತಿ ಜಗತ್ತ್ರಯಾಣಿ

ಯಸ್ಮಾತ್ಭವನ್ತಿ ವಿಭವನ್ತಿ ವಿಶನ್ತಿ ಯಂ ಚ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೨೧||

ಯಚ್ಚಕ್ಷುರೇಷ ಸವಿತಾ ಸಕಲಗ್ರಹಾಣಾಂ

ರಾಜಾ ಸಮಸ್ತಸುರಮೂರ್ತಿರಶೇಷತೇಜಃ

ಯಸ್ಯಾಜ್ಞಯಾ ಭ್ರಮತಿ ಸಂಭೃತಕಾಲಚಕ್ರೋ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೨೨||

ಧರ್ಮೋಽಥ ಪಾಪನಿಚಯಃ ಶ್ರುತಯಸ್ತಪಾಂಸಿ

ಬ್ರಹ್ಮಾದಿಕೀಟಪಟಗವಾದಯಶ್ಚ ಜೀವಾಃ

ಯದ್ದತ್ತಮಾತ್ರವಿಭವಪ್ರಕಟಪ್ರಭಾವಾ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೨೩||

ಯಸ್ತ್ವಿನ್ದ್ರಗೋಪಮಥವೇನ್ದ್ರಮಹೋ ಸ್ವಕರ್ಮ-

ಬನ್ಧಾನುರೂಪಫಲಭಾಜನಮಾತನೋತಿ|

ಕರ್ಮಾಣಿ ನಿರ್ದಹತಿ ಕಿನ್ತು ಚ ಭಕ್ತಿಭಾಜಾಂ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೨೪||

ಯಂ ಕ್ರೋಧಕಾಮಸಹಜಪ್ರಣಯಾದಿಭೀತಿ-

ವಾತ್ಸಲ್ಯಮೋಹಗುರುಗൗರವಸೇವ್ಯಭಾವೈಃ

ಸಂಚಿನ್ತ್ಯ ತಸ್ಯ ಸದೃಶೀಂ ತನುಮಾಪುರೇತೇ

ಗೋವಿನ್ದಮಾದಿಪುರುಷಂ ತಮಹಂ ಭಜಾಮಿ ||೨೫||