ಶ್ರೀರಾಮಾಷ್ಟೋತ್ತರಶತನಾಮಸ್ತೋತ್ರಮ್

  ಶ್ರೀರಾಮಾಷ್ಟೋತ್ತರಶತನಾಮಸ್ತೋತ್ರಮ್

ಶ್ರೀರಮೋ ರಾಮಭದ್ರಶ್ಚ ರಾಮಚನ್ದ್ರಶ್ಚ ಶಾಶ್ವತಃ

ರಾಜೀವಲೋಚನಃ ಶ್ರೀಮಾನ್ ರಾಜೇನ್ದ್ರೋ ರಘುಪುಙ್ಗವಃ ||೧-೮||

ಜಾನಕೀವಲ್ಲಭೋ ಜೈತ್ರೋ ಜಿತಾಮಿತ್ರೋ ಜನಾರ್ದನಃ

ವಿಶ್ವಾಮಿತ್ರಪ್ರಿಯೋ ದಾನ್ತಃ ಶರಣತ್ರಾಣತತ್ಪರಃ ||೯-೧೫||

ವಾಲಿಪ್ರಮಥನೋ ವಾಗ್ಮೀ ಸತ್ಯವಾಕ್ಸತ್ಯವಿಕ್ರಮಃ

ಸತ್ಯವ್ರತೋ ವ್ರತಧರಃ ಸದಾಹನುಮದಾಶ್ರಿತಃ    ||೧೬-೨೨||

ಕೌಸಲೇಯ: ಖರಧ್ವಂಸೀ ವಿರಾಧವಧಪಣ್ಡಿತಃ

ವಿಭೀಷಣಪರಿತ್ರಾತಾ ಹರಕೋದಣ್ಡಖಣ್ಡನಃ ||೨೩-೨೭||

ಸಪ್ತತಾಲಪ್ರಭೇತ್ತಾ ಚ ದಶಗ್ರೀವಶಿರೋಹರಃ

ಜಾಮದಗ್ನ್ಯಮಹಾದರ್ಪದಲನಸ್ತಾಟಕಾನ್ತಕಃ||೨೮-೩೧||

ವೇದನ್ತಸಾರೋ ವೇದಾತ್ಮಾ ಭವರೋಗಸ್ಯಭೇಷಜಂ

ದೂಷಣತ್ರಿಶಿರೋಹನ್ತಾ ತ್ರಿಮೂರ್ತಿಸ್ತ್ರಿಗುಣಾತ್ಮಕಃ ||೩೨-೩೭||

ತ್ರಿವಿಕ್ರಮಸ್ತ್ರಿಲೋಕಾತ್ಮಾ ಪುಣ್ಯಚಾರಿತ್ರಕೀರ್ತನಃ

ತ್ರಿಲೋಕರಕ್ಷಕೋ ಧನ್ವೀ ದಣ್ಡಕಾರಣ್ಯಕರ್ತನಃ ||೩೮-೪೩||

ಅಹಲ್ಯಾಶಾಪಶಮನಃ ಪಿತೃಭಕ್ತೋ ವರಪ್ರದಃ

ಜಿತೇನ್ದ್ರಿಯೋ ಜಿತಕ್ರೋಧಃ ಜಿತಾಮಿತ್ರೋ ಜಗತ್ಗುರುಃ||೪೪-೫೦||

ಋಕ್ಷವಾನರಸಂಘಾತೀ ಚಿತ್ರಕೂಟಸಮಾಶ್ರಯಃ

ಜಯನ್ತತ್ರಾಣವರದಃ ಸುಮಿತ್ರಾಪುತ್ರಸೇವಿತಃ ||೫೧-೫೪||

ಸರ್ವದೇವಾದಿದೇವಶ್ಚ ಮೃತವಾನರಜೀವನಃ

ಮಾಯಾಮಾರೀಚಹನ್ತಾ ಚ ಮಹಾದೇವೋ ಮಹಾಬುಜಃ ||೫೫-೫೯||

ಸರ್ವಲೋಕಸ್ತುತಃ ಸೌಮ್ಯೋ ಬ್ರಹ್ಮಣ್ಯೋ ಮುನಿಸಂಸ್ತುತಃ

ಮಹಾಯೋಗೀ ಮಹೋದಾರಃ ಸುಗ್ರೀವೇಪ್ಸಿತರಾಜ್ಯದಃ    ||೬೦-೬೬||

ಸರ್ವಪುಣ್ಯಾಧಿಕಫಲಃ ಸ್ಮೃತಸ್ಸರ್ವಾಘನಾಶನಃ

ಆದಿಪುರುಷಃ ಪರಮಪುರುಷೋ ಮಹಾಪುರುಷ ಏವ ಚ ||೬೭-೭೧||

ಪುಣ್ಯೋದಯೋ ದಯಾಸಾರಃ ಪುರಾಣಪುರುಷೋತ್ತಮಃ

ಸ್ಮಿತವಕ್ತ್ರೋ ಮಿತಾಭಾಷೀ ಪೂರ್ವಭಾಷೀ ಚ ರಾಘವಃ||೭೨-೭೮||

ಅನನ್ತಗುಣಗಂಭೀರೋ ಧೀರೋದಾತಗುಣೋತ್ತಮಃ

ಮಾಯಾಮಾನುಷಚಾರಿತ್ರೋ ಮಹಾದೇವಾದಿಪೂಜಿತಃ ||೭೯-೮೨||

ಸೇತುಕೃಜ್ಜಿತವಾರಾಶಿಃ ಸರ್ವತೀರ್ಥಮಯೋ ಹರಿಃ

ಶ್ಯಾಮಾಂಗಃ ಸುನ್ದರಃ ಶೂರಃ ಪೀತವಾಸಾ ಧನುರ್ಧರಃ||೮೩-೯೧||

ಸರ್ವಯಜ್ಞಾಧಿಪೋ ಯಜ್ವಾ ಜರಾಮರಣವರ್ಜಿತಃ

ವಿಭೀಷಣಪ್ರತಿಷ್ಠಾತಾ ಸರ್ವಾಪಗುಣವರ್ಜಿತಃ ||೯೨-೯೬||

ಪರಮಾತ್ಮಾ ಪರಂಬ್ರಹ್ಮ ಸಚ್ಚಿದಾನನ್ದವಿಗ್ರಹಃ

ಪರಂಜ್ಯೋತಿಃ ಪರಂಧಾಮ ಪರಾಕಾಶಃ ಪರಾತ್ಪರಃ ||೯೭-೧೦೩||

ಪರೇಶಃ ಪಾರಗಃ ಪಾರಃ ಸರ್ವದೇವಾತ್ಮಕಃ ಪರಃ ||೧೦೪-೧೦೮||