Friday, March 1, 2013

ಶಿವಾಷ್ಟೋತ್ತರಶತನಾಮಸ್ತೋತ್ರಮ್


        ಶಿವಾಷ್ಟೋತ್ತರಶತನಾಮಸ್ತೋತ್ರಮ್
ಶಿವೋ ಮಹೇಶ್ವರಃ ಶಂಭುಃ ಪಿನಾಕೀ ಶಶಿಶೇಖರಃ
ವಾಮದೇವೋ ವಿರೂಪಾಕ್ಷಃ ಕಪರ್ದೀ ನೀಲಲೋಹಿತಃ  ||-||

ಶಂಕರಃ ಶೂಲಪಾಣಿಶ್ಚ ಖಟ್ವಾಂಗೋ ವಿಷ್ಣುವಲ್ಲ್ಲಭಃ
ಶಿಪಿವಿಷ್ಟೋಽಮ್ಬಿಕಾನಾಥಃ ಶ್ರೀಕಣ್ಠೋ ಭಕ್ತವತ್ಸಲಃ |೧೦-೧೭||

ಭವಶ್ಶರ್ವಸ್ತ್ರಿಲೋಕೇಶಃ ಶಿತಿಕಣ್ಠೋ ಶಿವಾಪ್ರಿಯಃ
ಉಗ್ರಃ ಕಪರ್ದೀ ಕಾಮಾರಿಃ ಅನ್ಧಕಾಸುರಸೂದನಃ ||೧೮-೨೬||

ಗಂಗಾಧರೋ ಲಲಾಟಾಕ್ಷಃ ಕಾಲಕಾಲೋ ಕೃಪಾನಿಧಿಃ
ಭೀಮಃ ಪರಶುಹಸ್ತಶ್ಚ ಮೃಗಪಾಣೀ ಜಟಾಧರಃ ||೨೭-೩೪||

ಕೈಲಾಸವಾಸೀ ಕವಚೀ ಕಠೋರಃ ತ್ರಿಪುರಾನ್ತಕಃ
ವೃಷಾಙ್ಕೋ ವೃಷಭಾರೂಢಃ ಭಸ್ಮೋದ್ಧೂಲಿತವಿಗ್ರಹಃ  ||೩೫-೪೧||

ಸಾಮಪ್ರಿಯೋ ಸ್ವರಮಯಃ ತ್ರಯೀಮೂರ್ತಿರನೀಶ್ವರಃ
ಸರ್ವಜ್ಞೋ ಪರಮಾತ್ಮಾ ಸೋಮಸೂರ್ಯಾಗ್ನಿಲೋಚನಃ ||೪೨-೪೮||

ಹವಿರ್ಯಜ್ಞಮಯಸ್ಸೋಮಃ ಪಞ್ಚವಕ್ತ್ರೋ ಸದಾಶಿವಃ
ವಿಶ್ವೇಶ್ವರೋ ವೀರಭದ್ರಃ ಗಣನಾಥಃ ಪ್ರಜಾಪತಿಃ  ||೪೯-೫೭||

ಹಿರಣ್ಯರೇತಾ ದುರ್ಧರ್ಷೋ ಗಿರೀಶಃ ಗಿರಿಶೋಽನಘಃ
ಭುಜಂಗಭೂಷಣೋ ಭರ್ಗಃ ಗಿರಿಧನ್ವಾ ಗಿರಿಪ್ರಿಯಃ ||೫೮-೬೬||

ಕೃತ್ತಿವಾಸಾ ಪುರಾರಾತಿಃ ಭಗವಾನ್ ಪ್ರಮಥಾಧಿಪಃ
ಮೃತ್ಯುಂಜಯಃ ಸೂಕ್ಷ್ಮತನುರ್ಜಗದ್ವ್ಯಾಪೀ ಜಗದ್ಗುರುಃ ||೬೭-೭೪||

ವ್ಯೋಮಕೇಶೋ ಮಹಾಸೇನಜನಕಶ್ಚಾರುವಿಕ್ರಮಃ
ರುದ್ರೋ ಭೂತಪತಿ ಸ್ಥಾಣುಃ ಅಹಿರ್ಬುಧ್ನ್ಯೋ ದಿಗಂಬರಃ||೭೫-೮೨||

ಅಷ್ಟಮೂರ್ತಿರನೇಕಾತ್ಮಾ ಸಾತ್ತ್ವಿಕೋ ಶುದ್ಧವಿಗ್ರಹಃ
ಶಾಶ್ವತಃ ಖಣ್ಡಪರಶುಃ ಅಜಃ ಪಾಪವಿಮೋಚನಃ||೮೩-೯೦||

ಮೃಡಃ ಪಶುಪತಿರ್ದೇವೋ ಮಹಾದೇವೋಽವ್ಯಯೋ ಹರಿಃ
ಭಗನೇತ್ರಭಿದವ್ಯಕ್ತೋ ದಕ್ಷಾಧ್ವರಹರೋ ಹರಃ ||೯೧-೧೦೦||

ಪೂಷದನ್ತಭಿದವ್ಯಗ್ರೋ ಸಹಸ್ರಾಕ್ಷಃ ಸಹಸ್ರಪಾತ್
ಅಪವರ್ಗಪ್ರದೋಽನನ್ತಃ ತಾರಕೋ ಪರಮೇಶ್ವರಃ ||೧೦೧-೧೦೮||
   

No comments:

Post a Comment