ಶಿವಸ್ತೋತ್ರಮ್ (ಅಗಸ್ತ್ಯಕೃತಮ್)
ಅದ್ಯ ಮೇ ಸಫಲಂ ಜನ್ಮ ಚಾದ್ಯ ಮೇ ಸಫಲಂ ತಪಃ |
ಅದ್ಯ ಮೇ ಸಫಲಂ ಜ್ಞಾನಂ ಶಂಭೋ ತ್ವತ್ಪಾದದರ್ಶನಾತ್ || ೧ ||
ಕೃತಾರ್ಥೋಽಹಂ ಕೃತಾರ್ಥೋಽಹಂ ಕೃತಾರ್ಥೋಽಹಂ ಮಹೇಶ್ವರ |
ಅದ್ಯ ತೇ ಪಾದಪದ್ಮಸ್ಯ ದರ್ಶನಾತ್ ಭಕ್ತವತ್ಸಲ || ೨ ||
ಶಿವಃ ಶಂಭುಃ ಶಿವಃ ಶಂಭುಃ ಶಿವಃ ಶಂಭುಃ ಶಿವಃ ಶಿವಃ |
ಇತಿ ವ್ಯಾಹರತೋ ನಿತ್ಯಂ ದಿನಾನ್ಯಾಯಾನ್ತು ಯಾನ್ತು ಮೇ || ೩ ||
ಶಿವೇ ಭಕ್ತಿಃ ಶಿವೇ ಭಕ್ತಿಃ ಶಿವೇ ಭಕ್ತಿರ್ಭಿವೇ ಭವೇ |
ಸದಾ ಭೂಯಾತ್ ಸದಾ ಭೂಯಾತ್ ಸದಾ ಭೂಯಾತ್ ಸುನಿಶ್ಚಲಾ || ೪ ||
ವಯಂ ಧನ್ಯಾ ವಯಂ ಧನ್ಯಾ ವಯಂ ಧನ್ಯಾ ಜಗತ್ತ್ರಯೇ |
ಆದಿದೇವೋ ಮಹಾದೇವೋ ಯದಸ್ಮತ್ ಕುಲದೈವತಮ್ || ೫ ||
ಹರ ಶಂಭೋ ಮಹಾದೇವ ವಿಶ್ವೇಶಾಮರವತ್ಸಲ |
ಶಿವಶಂಕರ ಸರ್ವಾತ್ಮನ್ ನೀಲಕಣ್ಠ ನಮೋಽಸ್ತು ತೇ || ೬ ||
No comments:
Post a Comment