ದ್ವಾದಶನಾಮಪಞ್ಜರಮ್

 ದ್ವಾದಶನಾಮಪಞ್ಜರಮ್

ಪುರಸ್ತಾತ್ ಕೇಶವಃ ಪಾತು ಚಕ್ರೀ ಜಾಮ್ಬೂನದಪ್ರಭಃ |

ಪಶ್ಚಾನ್ನಾರಾಯಣಃ ಶಙ್ಖೀ ನೀಲಜೀಮೂತಸನ್ನಿಭಃ || ೧ ||

ಇನ್ದೀವರದಲಶ್ಯಾಮೋ ಮಾಧವೋರ್ಧ್ವಂ ಗದಾಧರಃ |

ಗೋವಿನ್ದೋ ದಕ್ಷಿಣೇ ಪಾರ್ಶ್ವೇ ಧನ್ವೀ ಚನ್ದ್ರಪ್ರಭೋ ಮಹಾನ್ || ೨ ||

ಉತ್ತರೇ ಹಲಭೃದ್ವಿಷ್ಣುಃ ಪದ್ಮಕಿಞ್ಜಲ್ಕಸನ್ನಿಭಃ |

ಆಗ್ನೇಯ್ಯಾಮರವಿನ್ದಾಭೋ ಮುಸಲೀ ಮಧುಸೂದನಃ || ೩ ||

ತ್ರಿವಿಕ್ರಮಃ ಖಡ್ಗಪಾಣಿಃ ನಿ‌ಋತ್ಯಾಂ ಜ್ವಲನಪ್ರಭಃ |

ವಾಯವ್ಯಾಂ ವಾಮನೋ ವಜ್ರೀ ತರುಣಾದಿತ್ಯದೀಪ್ತಿಮಾನ್ || ೪ ||

ಏಶಾನ್ಯಾಂ ಪುಣ್ಡರೀಕಾಭಃ ಶ್ರೀಧರಃ ಪಟ್ಟಸಾಯುಧಃ |

ವಿದ್ಯುತ್ಪ್ರಭೋ ಹೃಷೀಕೇಶಃ ಸ ಬಾಹ್ಯಾನ್ ದಿಶಿ ಮುದ್ಗರೀ || ೫ ||

ಹೃತ್ಪದ್ಮೇ ಪದ್ಮನಾಭೋ ಮೇ ಸಹಸ್ರಾರ್ಕಸಮಪ್ರಭಃ |

ಸರ್ವಾಯುಧಃ ಸರ್ವಶಕ್ತಿಃ ಸರ್ವಜ್ಞಃ ಸರ್ವತೋಮುಖಃ || ೬ ||

ಇನ್ದ್ರಗೋಪಕಸಙ್ಕಾಶಃ ಪಾಶಹಸ್ತೋಽಪರಾಜಿತಃ |

ಸ ಬಾಹ್ಯಾಭ್ಯನ್ತರಂ ದೇಹಂ ವ್ಯಾಪ್ಯ ದಾಮೋದರ ಸ್ಥಿತಃ || ೭ ||

ಏವಂ ಸರ್ವತ್ರಮಚ್ಛಿದ್ರಂ ನಾಮದ್ವಾದಶಪಞ್ಜರಮ |

ಪ್ರವಿಷ್ಟೋಽಹಂ ನ ಮೇ ಕಿಞ್ಚಿದ್ಭಯಮಸ್ತಿ ಕದಾಚನ || ೮ ||

 ಭಯನ್ನಾಸ್ತಿ ಕದಾಚನ ಓಂ ನಮ ಇತಿ  |