ಶ್ರೀಸುಬ್ರಹ್ಮಣ್ಯಾಷ್ಟಕಮ್ -೧

ಶ್ರೀಸುಬ್ರಹ್ಮಣ್ಯಾಷ್ಟಕಮ್ -೧

(ಅಗಸ್ತ್ಯಕೃತಂ, ಸ್ಕಾನ್ದಪುರಾಣಾನ್ತರ್ಗತಮ್)

ನಮೋಽಸ್ತು ಬೃನ್ದಾರಕಬೃನ್ದವನ್ದ್ಯ-

ಪಾದಾರವಿನ್ದಾಯ  ಸುಧಾಕರಾಯ |

ಷಡಾನನಾಯಾಮಿತವಿಕ್ರಮಾಯ

ಗೌರೀಹೃದಾನನ್ದಸಮುದ್ಭವಾಯ || ೧ ||

ನಮೋಽಸ್ತು ತುಭ್ಯಂ ಪ್ರಣತಾರ್ತಿಹನ್ತ್ರೇ

ಕರ್ತ್ರೇ ಸಮಸ್ತಸ್ಯ ಮನೋರಥಾನಾಮ್ |

ದಾತ್ರೇ ರತಾನಾಂ ಪರತಾರಕಸ್ಯ

ಹನ್ತ್ರೇ ಪ್ರಚಣ್ಡಾಸುರತಾರಕಸ್ಯ || ೨ ||

ಅಮೂರ್ತಮೂರ್ತಾಯಸಹಸ್ರಮೂರ್ತಯೇ

ಗುಣಾಯಗುಣ್ಯಾಯಪರಾತ್ಪರಾಯ |

ಅಪಾರಪಾರಾಯ ಪರಾತ್ಪರಾಯ

ನಮೋಽಸ್ತು ತುಭ್ಯಂ ಶಿಖಿವಾಹನಾಯ || ೩ ||

ನಮೋಽಸ್ತು ತೇ ಬ್ರಹ್ಮವಿದಾಂವರಾಯ

ದಿಗಂಬರಾಯಾಮ್ಬರಸಂಸ್ಥಿತಾಯ |

ಹಿರಣ್ಯವರ್ಣಾಯ ಹಿರಣ್ಯಬಾಹವೇ

ನಮೋ ಹಿರಣ್ಯಾಯ ಹಿರಣ್ಯರೇತಸೇ || ೪ ||

ತಪಃಸ್ವರೂಪಾಯ ತಪೋಧನಾಯ

ತಪಃ ಫಲಾನಾಂ ಪ್ರತಿಪಾದಕಾಯ |

ಸದಾ ಕುಮಾರಾಯ ಹಿಮಾರಮಾರಿಣೇ

ತೃಣೀಕೃತೈಶ್ವರ್ಯವಿರಾಗಿಣೇ ನಮಃ || ೫ ||

ನಮೋಽಸ್ತು ತುಭ್ಯಂ ಶರಜನ್ಮನೇ ವಿಭೋ

ಪ್ರಭಾತಸೂರ್ಯಾರುಣ ದನ್ತಪಙ್ಕ್ತಯೇ |

ಬಾಲಾಯ ಚಾಬಾಲಪರಾಕ್ರಮಾಯ

ಷಣ್ಮಾತುರಾಬಾಲಮನಾತುರಾಯ || ೬ ||

ಮೀಢುಷ್ಟಮಾಯೋತ್ತರಮೀಢುಷೇ ನಮೋ

ನಮೋ ಗಣಾನಾಂಪತಯೇ ಗಣಾಯ |

ನಮೋಽಸ್ತು ತೇ ಜನ್ಮಜರಾತಿಗಾಯ

ನಮೋ ವಿಶಾಖಾಯ ಸುಶಕ್ತಿಪಾಣಯೇ || ೭ ||