ಅಪರಾಧಾಷ್ಟಕಮ್

ಅಪರಾಧಾಷ್ಟಕಮ್

      (ಹಾಲಾಸ್ಯಮಾಹಾತ್ಮ್ಯಾನ್ತರ್ಗತಮ್)

ಪರಿಪೂರ್ಣ ಪರಾನನ್ದ ಪರಚಿತ್ ಸತ್ಯವಿಗ್ರಹ |

ಸುನ್ದರೇಶ್ವರ ಸರ್ವಜ್ಞ ತ್ರಾಹಿ ಮಾಮಪರಾಧಿನಮ್ || ೧ ||

ಫಾಲಾಕ್ಷಿಜಾತಜ್ವಲನಲೇಲಿಹಾನಮನೋಭವ |

ಜೀವನ್ಮುಕ್ತಿಪುರೀನಾಥ ತ್ರಾಹಿ ಮಾಮಪರಾಧಿನಮ್ || ೨ ||

ಪಾರಿಜಾತಗುಣಾತೀತಪಾದಪಙ್ಕಜವೈಭವ |

ಕದಂಬಕಾನನಾಧ್ಯಕ್ಷ ತ್ರಾಹಿ ಮಾಮಪರಾಧಿನಮ್ || ೩ ||

ಭಕ್ತಪ್ರಾರ್ಥಿತಸರ್ವಾರ್ಥಕಾಮಧೇನೋ ಪುರಾನ್ತಕ |

ಕರುಣಾವರುಣಾವಾಸ ತ್ರಾಹಿ ಮಾಮಪರಾಧಿನಮ್ || ೪ ||

ಕೈವಲ್ಯದಾನನಿರತ ಕಾಲಕೂಟಭಯಾಪಹ |

ಕನ್ಯಕಾನಗರೀನಾಥ ತ್ರಾಹಿ ಮಾಮಪರಾಧಿನಮ್ || ೫ ||

ಕಮಲಾಪತಿವಾಗೀಶಶಚೀಶಪ್ರಮುಖಾಮರೈಃ |

ಪರಿಪೂಜಿತಪಾದಾಬ್ಜ ತ್ರಾಹಿ ಮಾಮಪರಾಧಿನಮ್ || ೬ ||

ಪಞ್ಚಾಸ್ಯಪನ್ನಗಾಕಾರ ಪರಾನನ್ದಪ್ರದಾಯಕ |

ಪರ್ವತಾಧೀಶಜಾಮತಃ ತ್ರಾಹಿ ಮಾಮಪರಾಧಿನಮ್ || ೭ ||

ಪರಾತ್ಪರ ಪದಾಂಭೋಜಪರಿಧ್ಯಾನರತಾತ್ಮನಾಂ |

ಕಾಙ್ಕ್ಷಿತಾರ್ಥಪ್ರದ ಸ್ವಾಮಿನ್ ತ್ರಾಹಿ ಮಾಮಪರಾಧಿನಮ್ || ೮ ||

ಸುನ್ದರೇಶ್ವರ ಸರ್ವೇಶ ಸ್ಮರಸೌಭಾಗ್ಯಸಿದ್ಧಿದ |

ಶ್ರೀಮನ್ ಸುನ್ದರಪಾಣ್ಡ್ಯೇಶ ತ್ರಾಹಿ ಮಾಮಪರಾಧಿನಮ್ || ೯ ||

ಅಪರಾಧಾಷ್ಟಕಸ್ತೋತ್ರಂ ಯಃ ಪಠೇತ್ತವ ಸನ್ನಿಧೌ |

ತಸ್ಯಾನನ್ತಾಪರಾಧಂ ಚ ಕ್ಷಮಸ್ವ ಕರುಣಾಮ್ಬುಧೇ || ೧೦ ||