ಶ್ರೀಸುಬ್ರಹ್ಮಣ್ಯಾಷ್ಟಕಮ್ -೨

ಶ್ರೀಸುಬ್ರಹ್ಮಣ್ಯಾಷ್ಟಕಮ್ -೨

 

ಹೇ ಸ್ವಾಮಿನಾಥ ಕರುಣಾಕರ ದೀನಬನ್ಧೋ

ಶ್ರೀಪಾರ್ವತೀಶಮುಖಪಙ್ಕಜಪದ್ಮಬನ್ಧೋ |

ಶ್ರೀಶಾದಿದೇವಗಣಪೂಜಿತಪಾದಪದ್ಮ

ವಲ್ಲೀಶ ನಾಥ ಮಮ ದೇಹಿ ಕರಾವಲಮ್ಬಮ್ || ೧ ||

ದೇವಾದಿದೇವಸುತ ದೇವಗಣಾಧಿನಾಥ

ದೇವೇನ್ದ್ರವನ್ದ್ಯಮೃದುಪಙ್ಕಜಮಞ್ಜುಪಾದ |

ದೇವರ್ಷಿನಾರದಮುನೀನ್ದ್ರಸುಗೀತಕೀರ್ತೇ

ವಲ್ಲೀಶ ನಾಥ ಮಮ ದೇಹಿ ಕರಾವಲಮ್ಬಮ್ || ೨ ||

ನಿತ್ಯಾನ್ನದಾನನಿರತಾಖಿಲರೋಗಹಾರಿನ್

ಭಾಗ್ಯಪ್ರದಾನಪರಿಪೂರಿತಭಕ್ತಕಾಮ |

ಶ್ರುತ್ಯಾಗಮಪ್ರಣವವಾಚ್ಯನಿಜಸ್ವರೂಪ

ವಲ್ಲೀಶ ನಾಥ ಮಮ ದೇಹಿ ಕರಾವಲಮ್ಬಮ್ || ೩ ||

ಕ್ರೌಞ್ಚಾಸುರೇನ್ದ್ರಪರಿಖಣ್ಡನಶಕ್ತಿಶೂಲ

ಚಾಪಾದಿಶಸ್ತ್ರಪರಿಮಣ್ಡಿತದಿವ್ಯಪಾಣೇ |

ಶ್ರೀಕುಣ್ಡಲೀಶಧೃತತುಣ್ಡಶಿಖೀನ್ದ್ರವಾಹ

ವಲ್ಲೀಶ ನಾಥ ಮಮ ದೇಹಿ ಕರಾವಲಮ್ಬಮ್ || ೪ ||

ದೇವಾದಿದೇವರಥಮಣ್ಡಲಮಧ್ಯಮೇತ್ಯ

ದೇವೇನ್ದ್ರಪೀಠನಗರಂ ಧೃತಚಾಪಹಸ್ತ |

ಶೂರಂ ನಿಹತ್ಯ ಸುರಕೋಟಿಭಿರೀಡ್ಯಮಾನ

ವಲ್ಲೀಶ ನಾಥ ಮಮ ದೇಹಿ ಕರಾವಲಮ್ಬಮ್ || ೫ ||

ಹೀರಾದಿರತ್ನವರಯುಕ್ತಕಿರೀಟಹಾರ

ಕೇಯೂರಕುಣ್ಡಲಲಸತ್ ಕವಚಾಭಿರಾಮ |

ಹೇ ವೀರ ತಾರಕಜಯಾಮರಬೃನ್ದವನ್ದ್ಯ

ವಲ್ಲೀಶ ನಾಥ ಮಮ ದೇಹಿ ಕರಾವಲಮ್ಬಮ್ || ೬ ||

ಪಞ್ಚಾಕ್ಷರಾದಿಮುನಿಮನ್ತ್ರಿತಗಾಂಗತೋಯೈಃ

ಪಞ್ಚಾಮೃತೈಃ ಪ್ರಮುದಿತೇನ್ದ್ರಮುಖೈರ್ಮುನೀನ್ದ್ರೈಃ |

ಪಟ್ಟಾಭಿಷಿಕ್ತ ಮಘವತ್ತನಯಾಸನಾಥ

ವಲ್ಲೀಶ ನಾಥ ಮಮ ದೇಹಿ ಕರಾವಲಮ್ಬಮ್ || ೭ ||

ಶ್ರೀಕಾರ್ತಿಕೇಯಕರುಣಾಮೃತಪೂರ್ಣದೃಷ್ಟ್ಯಾ

ಕಾಮಾದಿರೋಗಕಲುಷೀಕೃತದುಷ್ಟಚಿತ್ತಂ | |

ಸಿಕ್ತ್ವಾ ತು ಮಾಮವ ಕಲಾನಿಧಿಕೋಟಿಕಾನ್ತ

ವಲ್ಲೀಶ ನಾಥ ಮಮ ದೇಹಿ ಕರಾವಲಮ್ಬಮ್ || ೮ ||

ಸುಬ್ರಹ್ಮಣ್ಯಾಷ್ಟಕಂ ಪುಣ್ಯಂ ಯೇ ಪಠನ್ತಿ ದ್ವಿಜೋತ್ತಮಾಃ |

ತೇ ಸರ್ವೇ ಮುಕ್ತಿಮಾಯಾನ್ತಿ ಸುಬ್ರಹ್ಮಣ್ಯಪ್ರಭಾವತಃ || ೯ ||

ಸುಬ್ರಹ್ಮಣ್ಯಾಷ್ಟಕಮಿದಂ ಪ್ರಾತರುತ್ಥಾಯ ಯಃ ಪಠೇತ |

ಕೋಟಿಜನ್ಮಕೃತಂ ಪಾಪಂ ತತ್ಕ್ಷಣಾತ್ ತಸ್ಯ ನಶ್ಯತಿ || ೧೦ ||