ಅರ್ದ್ಧನಾರೀಶ್ವರಾಷ್ಟಕಮ್

ಅರ್ದ್ಧನಾರೀಶ್ವರಾಷ್ಟಕಮ್

      (ಉಪಮನ್ಯುಕೃತಂ)

ಅಂಭೋಧರಶ್ಯಾಮಲಕುನ್ತಲಾಯೈ

ತಟಿತ್ಪ್ರಭಾತಾಮ್ರಜಟಾಧರಾಯ |

ನಿರೀಶ್ವರಾಯೈ ನಿಖಿಲೇಶ್ವರಾಯ

ನಮಃ ಶಿವಾಯೈ ಚ ನಮಃ ಶಿವಾಯ || ೧ ||

ಪ್ರದೀಪ್ತರತ್ನೋಜ್ಜ್ವಲಕುಣ್ಡಲಾಯೈ

ಸ್ಫುರನ್ಮಹಾಪನ್ನಗಭೂಷಣಾಯ |

ಶಿವಪ್ರಿಯಾಯೈ ಚ ಶಿವಾಪ್ರಿಯಾಯ

ನಮಃ ಶಿವಾಯೈ ಚ ನಮಃ ಶಿವಾಯ || ೨ ||

ಮನ್ದಾರಮಾಲಾಕಲಿತಾಲಕಾಯೈ

ಕಪಾಲಮಾಲಾಙ್ಕಿತಕನ್ಧರಾಯ |

ದಿವ್ಯಾಂಬರಾಯೈ ಚ ದಿಗಂಬರಾಯ

ನಮಃ ಶಿವಾಯೈ ಚ ನಮಃ ಶಿವಾಯ || ೩ ||

ಕಸ್ತೂರಿಕಾಕುಙ್ಕುಮಲೇಪನಾಯೈ

ಶ್ಮಶಾನಭಸ್ಮಾತ್ತವಿಲೇಪನಾಯ |

ಕೃತಸ್ಮರಾಯೈ ವಿಕೃತಸ್ಮರಾಯ

ನಮಃ ಶಿವಾಯೈ ಚ ನಮಃ ಶಿವಾಯ || ೪ ||

ಪಾದಾರವಿನ್ದಾರ್ಪಿತಹಂಸಕಾಯೈ

ಪಾದಾಬ್ಜರಾಜತ್ಫಣಿನೂಪುರಾಯ |

ಕಲಾಮಯಾಯೈ ವಿಕಲಾಮಯಾಯ

ನಮಃ ಶಿವಾಯೈ ಚ ನಮಃ ಶಿವಾಯ || ೫ ||

ಪ್ರಪಞ್ಚಸೃಷ್ಟ್ಯುನ್ಮುಖಲಾಸ್ಯಕಾಯೈ

ಸಮಸ್ತಸಂಹಾರಕತಾಣ್ಡವಾಯ |

ಸಮೇಕ್ಷಣಾಯೈ ವಿಷಮೇಕ್ಷಣಾಯ

ನಮಃ ಶಿವಾಯೈ ಚ ನಮಃ ಶಿವಾಯ || ೬ ||

ಪ್ರಫುಲ್ಲನೀಲೋತ್ಪಲಲೋಚನಾಯೈ

ವಿಕಾಸಿಪಙ್ಕೇರುಹಲೋಚನಾಯ |

ಜಗಜ್ಜನನ್ಯೈ ಜಗದೇಕಪಿತ್ರೇ

ನಮಃ ಶಿವಾಯೈ ಚ ನಮಃ ಶಿವಾಯ || ೭ ||

ಅನ್ತರ್ಬಹಿಶ್ಚೋರ್ಧ್ವಮಧಸ್ಚ ಮಧ್ಯೇ

ಪುರಶ್ಚ ಪಶ್ಚಾಚ್ಚ ವಿದಿಕ್ಷು ದಿಕ್ಷು |

ಸರ್ವಂಗತಾಯೈ ಸಕಲಂಗತಾಯ

ನಮಃ ಶಿವಾಯೈ ಚ ನಮಃ ಶಿವಾಯ || ೮ ||

ಅರ್ದ್ಧನಾರೀಶ್ವರಸ್ತೋತ್ರಂ ಉಪಮನ್ಯುಕೃತಂ ತ್ವಿದಮ್ |

ಯಃ ಪಠೇಚ್ಛೃಣುಯಾದ್ವಾಪಿ ಶಿವ