Wednesday, February 27, 2013

ಶ್ರೀ ನೃಸಿಂಹಪಞ್ಚಾಮೃತಸ್ತೋತ್ರಮ್


ಶ್ರೀ ನೃಸಿಂಹಪಞ್ಚಾಮೃತಸ್ತೋತ್ರಮ್
             (ಶ್ರೀರಾಮಕೃತಮ್)

ಅಹೋಬಿಲಂ ನಾರಸಿಂಹಂ ಗತ್ವಾ ರಾಮಃ ಪ್ರತಾಪವಾನ್ |
ನಮಸ್ಕೃತ್ವಾ ಶ್ರೀನೃಸಿಂಹಂ ಅಸ್ತೌಷೀತ್ ಕಮಲಾಪತಿಮ್ || ||

ಗೋವಿನ್ದ ಕೇಶವ ಜನಾರ್ದನ ವಾಸುದೇವ
ವಿಶ್ವೇಶ ವಿಶ್ವ ಮಧುಸೂದನ ವಿಶ್ವರೂಪ |
ಶ್ರೀ ಪದ್ಮನಾಭ ಪುರುಷೋತ್ತಮ ಪುಷ್ಕರಾಕ್ಷ
ನಾರಾಯಣಾಚ್ಯುತ ನೃಸಿಂಹ ನಮೋ ನಮಸ್ತೇ || ||

ದೇವಾಃ ಸಮಸ್ತಾಃ ಖಲು ಯೋಗಿಮುಖ್ಯಾಃ
ಗನ್ಧರ್ವ ವಿದ್ಯಾಧರ ಕಿನ್ನರಾಶ್ಚ |
ಯತ್ಪಾದಮೂಲಂ ಸತತಂ ನಮನ್ತಿ
ತಂ ನಾರಸಿಂಹಂ ಶರಣಂ ಗತೋಽಸ್ಮಿ || ||

ವೇದಾನ್ ಸಮಸ್ತಾನ್ ಖಲು ಶಾಸ್ತ್ರಗರ್ಭಾನ್
ವಿದ್ಯಾಬಲೇ ಕೀರ್ತಿಮತೀಂ ಲಕ್ಷ್ಮೀಮ್ |
ಯಸ್ಯ ಪ್ರಸಾದಾತ್ ಸತತಂ ಲಭನ್ತೇ
ತಂ ನಾರಸಿಂಹಂ ಶರಣಂ ಗತೋಽಸ್ಮಿ || ||

ಬ್ರಹ್ಮಾ ಶಿವಸ್ತ್ವಂ ಪುರುಷೋತ್ತಮಶ್ಚ
ನಾರಾಯಣೋಽಸೌ ಮರುತಾಂ ಪತಿಶ್ಚ |
ಚನ್ದ್ರಾರ್ಕ ವಾಯ್ವಗ್ನಿ ಮರುದ್ಗಣಾಶ್ಚ
ತ್ವಮೇವ ತಂ ತ್ವಾಂ ಸತತಂ ನತೋಽಸ್ಮಿ || ||

ಸ್ವಪ್ನೇಽಪಿ ನಿತ್ಯಂ ಜಗತಾಂ ತ್ರಯಾಣಾಮ್
ಸ್ರಷ್ಟಾ ಹನ್ತಾ ವಿಭುರಪ್ರಮೇಯಃ |
ತ್ರಾತಾ ತ್ವಮೇಕಸ್ತ್ರಿವಿಧೋ ವಿಭಿನ್ನಃ
ತಂ ತ್ವಾಂ ನೃಸಿಂಹಂ ಸತತಂ ನತೋಽಸ್ಮಿ || ||

ರಾಘವೇಣಕೃತಂ ಸ್ತೋತ್ರಂ ಪಞ್ಚಾಮೃತಮನುತ್ತಮಮ್ |
ಪಠನ್ತಿ ಯೇ ದ್ವಿಜವರಾಃ ತೇಷಾಂ ಸ್ವರ್ಗಸ್ತು ಶಾಶ್ವತಃ || ||

No comments:

Post a Comment