ದಾರಿದ್‌ರ್ಯದಹನಶಿವಸ್ತೋತ್ರಮ್

ದಾರಿದ್‌ರ್ಯದಹನಶಿವಸ್ತೋತ್ರಮ್

         (ವಸಿಷ್ಠವಿರಚಿತಮ್)

ವಿಶ್ವೇಶ್ವರಾಯ ನರಕಾರ್ಣವತಾರಣಾಯ

ಕರ್ಣಾಮೃತಾಯ ಶಶಿಶೇಖರಧಾರಣಾಯ |

ಕರ್ಪೂರಕಾನ್ತಿಧವಲಾಯ ಜಟಾಧರಾಯ

ದಾರಿದ್‌ರ್ಯದುಃಖದಹನಾಯ ನಮಃ ಶಿವಾಯ || ೧ ||

ಗೌರೀಪ್ರಿಯಾಯ ರಜನೀಶಕಲಾಧರಾಯ

ಕಾಲಾನ್ತಕಾಯ ಭುಜಗಾಧಿಪಕಙ್ಕಣಾಯ |

ಗಙ್ಗಾಧರಾಯ ಗಜರಾಜವಿಮರ್ದನಾಯ

ದಾರಿದ್‌ರ್ಯದುಃಖದಹನಾಯ ನಮಃ ಶಿವಾಯ || ೨ ||

ಭಕ್ತಪ್ರಿಯಾಯ ಭವರೋಗಭಯಾಪಹಾಯ

ಉಗ್ರಾಯ ದುರ್ಗಭವಸಾಗರತಾರಣಾಯ |

ಜ್ಯೋತಿರ್ಮಯಾಯ ಗುಣನಾಮಸುಕೃತ್ಯಕಾಯ

ದಾರಿದ್‌ರ್ಯದುಃಖದಹನಾಯ ನಮಃ ಶಿವಾಯ || ೩ ||

ಚರ್ಮಾಂಬರಾಯ ಶವಭಸ್ಮವಿಲೇಪನಾಯ

ಭಾಲೇಕ್ಷಣಾಯ ಮಣಿಕುಣ್ಡಲಮಣ್ಡಿತಾಯ |

ಮಂಜೀರಪಾದಯುಗಲಾಯ ಜಟಾಧರಾಯ

ದಾರಿದ್‌ರ್ಯದುಃಖದಹನಾಯ ನಮಃ ಶಿವಾಯ || ೪ ||

ಪಞ್ಚಾನನಾಯ ಫಣಿರಾಜವಿಭೂಷಣಾಯ

ಹೇಮಾಂಶುಕಾಯ ಭುವನತ್ರಯ ಮಣ್ಡಿತಾಯ |

ಆನನ್ದಭೂಮಿವರದಾಯ ತಮೋಮಯಾಯ

ದಾರಿದ್‌ರ್ಯದುಃಖದಹನಾಯ ನಮಃ ಶಿವಾಯ || ೫ ||

ಗೌರೀವಿಲಾಸಭವನಾಯ ಮಹೇಶ್ವರಾಯ

ಪಞ್ಚಾನನಾಯ ಶರಣಾಗತಕಲ್ಪಕಾಯ |

ಶರ್ವಾಯ ಸರ್ವಜಗತಾಮಧಿಪಾಯ ತಸ್ಮೈ

ದಾರಿದ್‌ರ್ಯದುಃಖದಹನಾಯ ನಮಃ ಶಿವಾಯ || ೬ ||

ಭಾನುಪ್ರಿಯಾಯ ಭವಸಾಗರತಾರಣಾಯ

ಕಾಲಾನ್ತಕಾಯ ಕಮಲಾಸನಪೂಜಿತಾಯ |

ನೇತ್ರತ್ರಯಾಯ ಶುಭಲಕ್ಷಣಲಕ್ಷಿತಾಯ

ದಾರಿದ್‌ರ್ಯದುಃಖದಹನಾಯ ನಮಃ ಶಿವಾಯ || ೭ ||

ರಾಮಪ್ರಿಯಾಯ ರಾಘುನಾಥವರಪ್ರದಾಯ

ನಾಗಪ್ರಿಯಾಯ ನರಕಾರ್ಣವತಾರಣಾಯ |

ಪುಣ್ಯೇಷು ಪುಣ್ಯಭರಿತಾಯ ಸುರಾರ್ಚಿತಾಯ

ದಾರಿದ್‌ರ್ಯದುಃಖದಹನಾಯ ನಮಃ ಶಿವಾಯ || ೮ ||

ಮುಕ್ತೇಶ್ವರಾಯ ಫಲದಾಯ ಗಣೇಶ್ವರಾಯ

ಗೀತಪ್ರಿಯಾಯ ವೃಷಭೇಶ್ವರವಾಹನಾಯ |

ಮಾತಙ್ಗಚರ್ಮವಸನಾಯ ಮಹೇಶ್ವರಾಯ

ದಾರಿದ್‌ರ್ಯದುಃಖದಹನಾಯ ನಮಃ ಶಿವಾಯ || ೯ ||

ವಸಿಷ್ಠೇನಕೃತಂ ಸ್ತೋತ್ರಂ ಸರ್ವ ದಾರಿದ್‌ರ್ಯನಾಶನಮ್ |

ಸರ್ವಸಂಪತ್ಕರಂ ಶೀಘ್ರಂ ಪುತ್ರಪೌತ್ರಾದಿವರ್ಧನಮ್ || ೧೦ ||