ಶ್ರೀ ಪರ್ವತೀಪರಮೇಶ್ವರಧ್ಯಾನಮ್

ಶ್ರೀ ಪಾರ್ವತೀಪರಮೇಶ್ವರಧ್ಯಾನಮ್

ಧ್ಯಾಯೇನ್ನಿರಾಮಯಂ ವಸ್ತು ಸರ್ಗಸ್ಥಿತಿಲಯಾಧಿಕಂ |

ನಿರ್ಗುಣಂ ನಿಷ್ಕಲಂ ನಿತ್ಯಂ ಮನೋವಾಚಾಮಗೋಚರಮ್ || ೧ ||

ಗಂಗಾಧರಂ ಶಶಿಧರಂ ಜಟಾಮಕುಟಶೋಭಿತಂ |

ಶ್ವೇತಭೂತಿತ್ರಿಪುಣ್ಡ್ರೇಣ ವಿರಾಜಿತಲಲಾಟಕಮ್ || ೨ ||

ಲೋಚನತ್ರಯಸಂಪನ್ನಂ ಸ್ವರ್ಣಕುಣ್ಡಲಶೋಭಿತಂ |

ಸ್ಮೇರಾನನಂ ಚತುರ್ಬಾಹುಂ ಮುಕ್ತಾಹಾರೋಪಶೋಭಿತಮ್ || ೩ ||

ಅಕ್ಷಮಾಲಾಂ ಸುಧಾಕುಮ್ಭಂ ಚಿನ್ಮಯೀಂ ಮುದ್ರಿಕಾಮಪಿ |

ಪುಸ್ತಕಂ ಚ ಭುಜೈರ್ದ್ದಿವ್ಯೈಃ ದಧಾನಂ ಪಾರ್ವತೀಪತಿಮ್ || ೪ ||

ಶ್ವೇತಾಮ್ಬರಧರಂ ಶ್ವೇತಂ ರತ್ನಸಿಂಹಾಸನಸ್ಥಿತಂ |

ಸರ್ವಾಭೀಷ್ಟಪ್ರದಾತಾರಂ ವಟಮೂಲನಿವಾಸಿನಮ್ || ೫ ||

ವಾಮಾಙ್ಕ್ವ್ ಸಂಸ್ಥಿತಾಂ ಗೌರೀಂ ಬಾಲಾರ್ಕಾಯುತಸನ್ನಿಭಾಂ |

ಜಪಾಕುಸುಮಸಾಹಸ್ರಸಮಾನಶ್ರಿಯಮೀಶ್ವರೀಮ್ || ೬ ||

ಸುವರ್ಣರತ್ನಖಚಿತಮಕುಟೇನ ವಿರಾಜಿತಾಂ |

ಲಲಾಟಪಟ್ಟಸಂರಾಜತ್ಸಂಲಗ್ನತಿಲಕಾಞ್ಚಿತಾಮ್ || ೭ ||

ರಾಜೀವಾಯತನೇತ್ರಾನ್ತಾಂ ನೀಲೋತ್ಪಲದಲೇಕ್ಷಣಾಂ |

ಸಂತಪ್ತಹೇಮರಚಿತ ತಾಟಙ್ಕಾಭರಣಾನ್ವಿತಾಮ್ || ೮ ||

ತಾಮ್ಬೂಲಚರ್ವಣರತರಕ್ತಜಿಹ್ವಾವಿರಾಜಿತಾಮ್  |

ಪತಾಕಾಭರಣೋಪೇತಾಂ ಮುಕ್ತಾಹಾರೋಪಶೋಭಿತಾಮ್ || ೯ ||

ಸ್ವರ್ಣಕಙ್ಕಣಸಂಯುಕ್ತೈಃ ಚತುರ್ಭಿರ್ಬಾಹುಭಿರ್ಯುತಾಂ  |

ಸುವರ್ಣರತ್ನಖಚಿತ ಕಾಞ್ಚೀದಾಮವಿರಾಜಿತಾಮ್ || ೧ ೦ ||

ಕದಲೀಲಲಿತಸ್ತಮ್ಭಸನ್ನಿಭೋರುಯುಗಾನ್ವಿತಾಂ |

ಶ್ರಿಯಾ ವಿರಾಜಿತಪದಾಂ ಭಕ್ತತ್ರಾಣಪರಾಯಣಾಮ್ || ೧೧ ||

ಅನ್ಯೋನ್ಯಾಶ್ಲಿಷ್ಟಹೃದ್ಬಾಹೂ ಗೌರೀಶಂಕರಸಂಜ್ಞಕಂ  |

ಸನಾತನಂ ಪರಂ ಬ್ರಹ್ಮ ಪರಮಾತ್ಮಾನಮವ್ಯಯಮ್ || ೧೨ ||

ಸದಾ ಧ್ಯಾಯಾಮಿ ಜಗತಾಮೀಶ್ವರಂ ಪರಮೇಶ್ವರಮ್ |