ಶ್ರೀ ದ್ವಾದಶಾಕ್ಷರಮನ್ತ್ರಸ್ತೋತ್ರಮ್

ಶ್ರೀ ದ್ವಾದಶಾಕ್ಷರಮನ್ತ್ರಸ್ತೋತ್ರಮ್

            (ಶ್ರೀ ವೇದವ್ಯಾಸಕೃತಮ್)

 

ಓಮಿತಿ ಜ್ಞಾನವಸ್ತ್ರೇಣ ರಾಗನಿರ್ಣೇಜನೀಕೃತಃ |

ಕರ್ಮನಿದ್ರಾಂ ಪ್ರಪನ್ನೋಽಸ್ಮಿ ತ್ರಾಹಿ ಮಾಂ ಮಧುಸೂದನ || ೧ ||

ನ ಗತಿರ್ವಿದ್ಯತೇ ಚಾನ್ಯಾ ತ್ವಮೇವ ಶರಣಂ ಮಮ |

ಮಾಯಾಪಙ್ಕೇನಲಿಪ್ತೋಽಸ್ಮಿ ತ್ರಾಹಿ ಮಾಂ ಮಧುಸೂದನ || ೨ ||

ಮೋಹಿತೋ ಮೋಹಜಾಲೇನ ಪುತ್ರದಾರಗೃಹಾದಿಷು |

ತೃಷ್ಣಯಾ ಪೀಡ್ಯಮಾನೋಽಸ್ಮಿ ತ್ರಾಹಿ ಮಾಂ ಮಧುಸೂದನ || ೩ ||

ಭಕ್ತಿಹೀನಂ ತು ದೀನಂ ಚ ದುಃಖಶೋಕಸಮನ್ವಿತqಉZ |

ಅನಾಶ್ರಯಮನಾಥಂ ಚ ತ್ರಾಹಿ ಮಾಂ ಮಧುಸೂದನ || ೪ ||

ಗತಾಗತಪರಿಶ್ರಾನ್ತೋ ದೂರಮಧ್ವನಿ ಕರ್ಮಣಾಮ್ |

ಸಂಸಾರಭಯಭೀತೋಽಸ್ಮಿ ತ್ರಾಹಿ ಮಾಂ ಮಧುಸೂದನ || ೫ ||

ವಸಿತೋ ಮಾತೃಗರ್ಭೇಷು ಪೀಡಿತೋಽಹಂ ಜನಾರ್ದನ |

ಗರ್ಭವಾಸಕ್ಷಯಕರ ತ್ರಾಹಿ ಮಾಂ ಮಧುಸೂದನ || ೬ ||

ತೇನ ದೇವ ಪ್ರಪನ್ನೋಽಸ್ಮಿ ಸತ್ವಾಶ್ರಯಪರಾಯಣ |

ಜರಾಮರಣಭೀತೋಽಸ್ಮಿ ತ್ರಾಹಿ ಮಾಂ ಮಧುಸೂದನ || ೭ ||

ವಾಚಾ ತೂಪಕೃತಂ ಪಾಪಂ ಕರ್ಮಣಾ ಯದುಪಾರ್ಜಿತಮ್ |

ಮಯಾ ದೇವ ದುರಾಚಾರಂ ತ್ರಾಹಿ ಮಾಂ ಮಧುಸೂದನ || ೮ ||

ಸುಕೃತಂ ನ ಕೃತಂ ಕಿಞ್ಚಿತ್ ದುಷ್ಕೃತಂ ತು ಸದಾ ಕೃತಮ್ |

ತೇನಾಹಂ ಪರಿತಪ್ತೋಽಸ್ಮಿ ತ್ರಾಹಿ ಮಾಂ ಮಧುಸೂದನ || ೯ ||

ದೇಹಾನ್ತರಸಹಸ್ರೇಷು ಕುಯೋನಿಃ ಸೇವಿತಾ ಮಯಾ |

ತಿರ್ಯಕ್ತ್ವಂ ಮಾನುಷತ್ವಂ ಚ ತ್ರಾಹಿ ಮಾಂ ಮಧುಸೂದನ || ೧೦ ||

ವಾಸುದೇವ ಹೃಷೀಕೇಶ ವೈಕುಣ್ಠ ಪುರುಷೋತಮ |

ಸೃಷ್ಟಿಸಂಹಾರಕರಣ ತ್ರಾಹಿ ಮಾಂ ಮಧುಸೂದನ || ೧೧ ||

ಯತ್ರಾಹಮಾಗಮಿಷ್ಯಾಮಿ ನಾರೀ ವಾ ಪುರುಷೋಽಪಿ ವಾ |

ತತ್ರ ತತ್ರ ಚ ತೇ ಭಕ್ತಿಃ ತ್ರಾಹಿ ಮಾಂ ಮಧುಸೂದನ || ೧೨ ||

ದ್ವಾದಶಾರ್ಣವಸ್ತುತಿಮಿಮಾಂ ಯಃ ಪಠೇಚ್ಛೃಣುಯಾದಪಿ |

ಸ ಯಾತಿ ಪರಮಂ ಸ್ಥಾನಂ ಯತ್ರ ಯೋಗೇಶ್ವರೋ ಹರಿಃ || ೧೩ ||