. ಶ್ರೀಭುವನೇಶ್ವರೀಪಞ್ಚರತ್ನಸ್ತುತಿಃ

. ಶ್ರೀಭುವನೇಶ್ವರೀಪಞ್ಚರತ್ನಸ್ತುತಿಃ

 ನಮೋ ದೇವ್ಯೈ ಪ್ರಕೃತ್ಯೈ ಚ ವಿಧಾತ್ರ್ಯೈ ಸತತಂ ನಮಃ |

ಕಲ್ಯಾಣ್ಯೈ ಕಾಮದಾಯೈ ಚ ವೃತ್ತ್ಯೈ ಸಿಧ್ಯೈ ನಮೋ ನಮಃ || ೧ ||

ಸಚ್ಚಿದಾನನ್ದರೂಪಿಣ್ಯೈ ಸಂಸಾರಾರಣ್ಯೈ ನಮೋ ನಮಃ |

ಪಞ್ಚಕೃತ್ಯೈ ವಿಧಾತ್ರ್ಯೈ ಚ ಭುವನೇಶ್ವರ್ಯೈ ನಮೋ ನಮಃ || ೨ ||

ವಿದ್ಯಾ ತ್ವಮೇವ ನನು ಬುದ್ಧಿಮತಾಂ ನರಾಣಾಂ |

ಶಕ್ತಿಸ್ತ್ವಮೇವ ಕಿಲ ಶಕ್ತಿಮತಾಂ ಸದೈವ |

ತ್ವಂ ಕೀರ್ತಿ ಕಾನ್ತಿ ಕಮಲಾಮಲ ತುಷ್ಟಿರೂಪಾ

ಮುಕ್ತಿಪ್ರದಾ ವಿರತಿರೇವ ಮನುಷ್ಯಲೋಕೇ || ೩ ||

ತ್ರಾತಾ ತ್ವಮೇವ ಮಮ ಮೋಹಮಯಾತ್ ಭವಾಬ್ಧೇಃ

ತ್ವಾಮಮ್ಬಿಕೇ ಸತತಮೇವ ಮಹಾರ್ತಿದೇ ಚ |

ರಾಗಾದಿಭಿರ್ವಿರಚಿತೇ ವಿತತೇಽಖಿಲಾನ್ತೇ

ಮಾಮೇವ ಪಾಹಿ ಬಹುದುಃಖಹರೇ ಚ ಕಾಲೇ || ೪ ||

ನಮೋ ದೇವಿ ಮಹಾವಿದ್ಯೇ ನಮಾಮಿ ಚರಣೌ ತವ

ಸದಾ ಜ್ಞಾನಪ್ರಕಾಶಂ ಮೇ ದೇಹಿ ಸರ್ವಾರ್ಥದೇ ಶಿವೇ |

              ***