ದುಃಖಮೋಚಕಶ್ರೀಮದಚ್ಯುತಾಷ್ಟಕಮ್

ದುಃಖಮೋಚಕಶ್ರೀಮದಚ್ಯುತಾಷ್ಟಕಮ್

         (ಶ್ರೀ ಶಂಕರಾಚರ್ಯಕೃತಮ್)

ಅಚ್ಯುತಾಚ್ಯುತ ಹರೇ ಪರಮಾತ್ಮನ್

ರಾಮಕೃಷ್ಣ ಪುರುಷೋತ್ತಮ ವಿಷ್ಣೋ |

ವಾಸುದೇವ ಭಗವನ್ನನಿರುದ್ಧ

ಶ್ರೀಪತೇ ಶಮಯ ದುಃಖಮಶೇಷಮ್ || ೧ ||

ವಿಶ್ವಮಙ್ಗಲ ವಿಭೋ ಜಗದೀಶ

ನನ್ದನನ್ದನ ನೃಸಿಂಹ ನರೇನ್ದ್ರ |

ಮುಕ್ತಿದಾಯಕ ಮುಕುನ್ದ ಮುರಾರೇ

ಶ್ರೀಪತೇ ಶಮಯ ದುಃಖಮಶೇಷಮ್ || ೨ ||

ರಾಮಚನ್ದ್ರ ರಘುನಾಯಕ ದೇವ

ದೀನನಾಥ ದುರಿತಕ್ಷ್ಯಯಕಾರಿನ್ |

ಯಾದವೇನ್ದ್ರ ಯದುಭೂಷಣ ಯಜ್ಞ

ಶ್ರೀಪತೇ ಶಮಯ ದುಃಖಮಶೇಷಮ್ || ೩ ||

ದೇವಕೀತನಯ ದುಃಖದವಾಗ್ನೇ

ರಾಧಿಕಾರಮಣ ರಮ್ಯ ಸುಮೂರ್ತೇ |

ದುಃಖಮೋಚಕ ದಯಾರ್ಣವ ನಾಥ

ಶ್ರೀಪತೇ ಶಮಯ ದುಃಖಮಶೇಷಮ್ || ೪ ||

ಗೋಪಿಕಾವದನಚನ್ದ್ರಚಕೋರ

ನಿತ್ಯ ನಿರ್ಗುಣ ನಿರನ್ಜನ ಜಿಷ್ಣೋ |

ಪೂರ್ಣರೂಪ ಜಯಶಂಕರಶರ್ವ

ಶ್ರೀಪತೇ ಶಮಯ ದುಃಖಮಶೇಷಮ್ || ೫ ||

ಗೋಕುಲೇಶ ಗಿರಿಧಾರಣಧೀರ

ಯಾಮುನಾಚ್ಛತಟಖೇಲನ ವೀರ |

ನಾರದಾದಿ ಮುನಿವನ್ದಿತಪಾದ

ಶ್ರೀಪತೇ ಶಮಯ ದುಃಖಮಶೇಷಮ್ || ೬ ||

ದ್ವಾರಕಾಧಿಪ ದುರನ್ತಗುಣಾಬ್ಧೇ

ಪ್ರಾಣನಾಥ ಪರಿಪೂರ್ಣ ಭವಾರೇ |

ಜ್ಞಾನಗಮ್ಯ ಗುಣಸಾಗರ ಬ್ರಹ್ಮನ್             

ಶ್ರೀಪತೇ ಶಮಯ ದುಃಖಮಶೇಷಮ್ || ೭ ||

ದುಷ್ಟನಿರ್ದಲನ ದೇವ ದಯಾಲೋ

ಪದ್ಮನಾಭ ಧರಣೀಧರ ಧನ್ವಿನ್ |

ರಾವಣಾನ್ತಕ ರಮೇಶ ಮುರಾರೇ

ಶ್ರೀಪತೇ ಶಮಯ ದುಃಖಮಶೇಷಮ್ || ೮ ||

ಅಚ್ಯುತಾಷ್ಟಕಮಿದಂ ರಮಣೀಯಮ್

ನಿರ್ಮಿತಂ ಭವಭಯಂ ವಿನಿಹನ್ತುಮ್ |

ಯಃ ಪಠೇತ್ ವಿಷಯವೃತ್ತಿನಿವೃತ್ತಿಮ್

ಜನ್ಮದುಃಖಮಖಿಲಂ ಸ ಜಹಾತಿ || ೯ ||