ಅಚ್ಯುತಾಷ್ಟಕಮ್

ಅಚ್ಯುತಾಷ್ಟಕಮ್

    (ಶ್ರೀ ಶಂಕರಾಚಾರ್ಯಕೃತಮ್)

ಅಚ್ಯುತಂ ಕೇಶವಂ ರಾಮನಾರಾಯಣಮ್

ಕೃಷ್ಣದಾಮೋದರಂ ವಾಸುದೇವಂ ವಿಭುಮ್ |

ಶ್ರೀಧರಂ ಮಾಧವಂ ಗೋಪಿಕಾವಲ್ಲಭಮ್

ಜಾನಕೀನಾಯಕಂ ರಾಮಚನ್ದ್ರಂ ಭಜೇ || ೧ ||

ಅಚ್ಯುತಂ ಕೇಶವಂ ಸತ್ಯಭಾಮಾಧವಮ್

ಮಾಧವಂ ಶ್ರೀಧರಂ ರಾಧಿಕಾಽರಾಧಿತಮ್ |

ಇನ್ದಿರಾಮನ್ದಿರಂ ಚೇತಸಾ ಸುನ್ದರಮ್

ದೇವಕೀನನ್ದನಂ ನನ್ದಜಂ ಸನ್ದಧೇ || ೨ ||

ವಿಷ್ಣವೇ ಜಿಷ್ಣವೇ ಶಙ್ಖಿನೇ ಚಕ್ರಿಣೇ

ರುಕ್ಮಿಣೀರಾಗಿಣೇ ಜಾನಕೀಜಾನಯ |

ವಲ್ಲವೀವಲ್ಲಭಾಯಾರ್ಚಿತಾಯಾತ್ಮನೇ

ಕಂಸವಿಧ್ವಂಸಿನೇ ವಂಶಿನೇ ತೇ ನಮಃ || ೩ ||

ಕೃಷ್ಣ ಗೋವಿನ್ದ ಹೇ ರಾಮ ನಾರಾಯಣ

ಶ್ರೀಪತೇ ವಾಸುದೇವಾಜಿತ ಶ್ರೀನಿಧೇ |

ಅಚ್ಯುತಾನನ್ದ ಹೇ ಮಾಧವಾಧೋಕ್ಷಜ

ದ್ವಾರಕಾನಾಯಕ ದ್ರೌಪದೀರಕ್ಷಕ || ೪ ||

ರಾಕ್ಷಸಕ್ಷೋಭಿತಃ ಸೀತಯಾಶೋಭಿತೋ

ದಣ್ಡಕಾರಣ್ಯಭೂಪುಣ್ಯತಾಕಾರಣಃ

ಲಕ್ಷ್ಮಣೇನಾನ್ವಿತೋ ವಾನರೈಸ್ಸೇವಿತೋ ಽ-

ಗಸ್ತ್ಯಸಂಪೂಜಿತೋ ರಾಘವಃ ಪಾತು ಮಾಮ್ || ೫ ||

ಧೇನುಕಾರಿಷ್ಟಕೋಽನಿಷ್ಟಕೃತ್ ದ್ವೇಷಿಣಾಮ್

ಕೇಶಿಹಾ ಕಂಸಹೃದ್ವಂಶಿಕಾವಾದಕಃ |

ಪೂತನಾಶೋಷಕಃ ಸೂರಜಾಖೇಲನೋ

ಬಾಲಗೋಪಾಲಕಃ ಪಾತು ಮಾಂ ಸರ್ವದಾ || ೬ ||

ವಿದ್ಯುದುದ್ಯೋತವತ್ ಪ್ರಸ್ಫುರದ್ವಾಸಸಮ್

ಪ್ರಾವೃಡಂಭೋದವತ್ ಪ್ರೋಲ್ಲಸದ್ವಿಗ್ರಹಮ್ |

ವನ್ಯಯಾಮಾಲಯಾ ಶೋಭಿತೋರಸ್ಥಲಮ್

ಲೋಹಿತಾಙ್ಘ್ರಿದ್ವಯಂ ವಾರಿಜಾಕ್ಷಂ ಭಜೇ || ೭ ||

ಕುಞ್ಚಿತೈಃ ಕುನ್ತಲೈಃ ಭ್ರಾಜಮಾನಾನನಮ್

ರತ್ನಮೌಲಿಂ ಲಸತ್ಕುಣ್ಡಲಂ ಗಣ್ಡಯೋಃ |

ಹಾರಕೇಯೂರಕಂ ಕಙ್ಕಣಪ್ರೋಜ್ಜ್ವಲಂ

ಕಿಙ್ಕಿಣೀಮಞ್ಜುಲಂ ಶ್ಯಾಮಲಂ ತಂ ಭಜೇ  || ೮ ||

ಅಚ್ಯುತಸ್ಯಾಷ್ಟಕಂ ಯಃ ಪಠೇದಿಷ್ಟದಮ್

ಪ್ರೇಮತಃ ಪ್ರತ್ಯಹಂ ಪೂರುಷಸ್ಸಸ್ಪೃಹಮ್ |

ವೃತ್ತತಸ್ಸುನ್ದರಂ ಕರ್ತೃವಿಶ್ವಂಭರಮ್

ತಸ್ಯ ವಶ್ಯೋ ಹರಿರ್ಜಾಯತೇ ಸತ್ವರಮ್  || ೯ ||