ಶ್ರೀವಾಣೀಶರಣಾಗತಿಸ್ತೋತ್ರಮ್

 ಶ್ರೀವಾಣೀಶರಣಾಗತಿಸ್ತೋತ್ರಮ್

ವೇಣೀಂ ಸಿತೇತರಸಮೀರಣಭೋಜಿತುಲ್ಯಾಂ

ವಾಣೀಂ ಚ ಕೇಕಿಕುಲಗರ್ವಹರಾಂ ವಹನ್ತೀಮ್ |

ಶ್ರೋಣೀಂ ಗಿರಿಸ್ಮಯವಿಭೇದಚಣಾಂ ದಧಾನಾಂ

ವಾಣೀಮನನ್ಯಶರಣಃ ಶರಣಂ ಪ್ರಪದ್ಯೇ || ೧ ||

ವಾಚಃ ಪ್ರಯತ್ನಮನಪೇಕ್ಷ್ಯ ಮುಖಾರವಿನ್ದಾ

ದ್ವಾತಾಹತಾಬ್ಧಿಲಹರೀಮದಹಾರದಕ್ಷಾಃ |

ವಾದೇಷು ಯತ್ಕರುಣಯಾ ಪ್ರಗಲನ್ತಿ ತಾಂ ತ್ವಾಂ

ವಾಣೀಮನನ್ಯಶರಣಃ ಶರಣಂ ಪ್ರಪದ್ಯೇ || ೨ ||

ರಾಕಾಶಶಾಙ್ಕಸದೃಶಾನನಪಙ್ಕಜಾತಾಂ

ಶೋಕಾಪಹಾರಚತುರಾಙ್ಘ್ರಿಸರೋಜಪೂಜಾಮ್ |

ಪಾಕಾರಿಮುಖ್ಯದಿವಿಷತ್ಪ್ರವರೇಡ್ಯಮಾನಾಂ

ವಾಣೀಮನನ್ಯಶರಣಃ ಶರಣಂ ಪ್ರಪದ್ಯೇ || ೩ ||

ಬಾಲೋಡುಪಪ್ರವಿಲಸತ್ಕಚಮಧ್ಯಭಾಗಾಂ

ನೀಲೋತ್ಪಲಪ್ರತಿಭಟಾಕ್ಷಿವಿರಾಜಮಾನಾಮ್ |

ಕಾಲೋನ್ಮಿಷತ್ಕಿಸಲಯಾರುಣಪಾದಪದ್ಮಾಂ

ವಾಣೀಮನನ್ಯಶರಣಃ ಶರಣಂ ಪ್ರಪದ್ಯೇ || ೪ ||

          ***