ಶ್ರೀಕೃಷ್ಣಸ್ತೋತ್ರಮ್
(ಬ್ರಹ್ಮದೇವಕೃತಮ್)
ರಕ್ಷ ರಕ್ಷ ಹರೇ ಮಾಂ ಚ ನಿಮಗ್ನಂ ಕಾಮಸಾಗರೇ |
ದುಷ್ಕೀರ್ತಿಜಲಪೂರ್ಣೇ ಚ ದುಷ್ಪಾರೇ ಬಹುಸಙ್ಕಟೇ || ೧ ||
ಭಕ್ತಿವಿಸ್ಮೃತಿಬೀಜೇ ಚ ವಿಪತ್ಸೋಪಾನದುಸ್ತರೇ |
ಅತೀವ ನಿರ್ಮಲಜ್ಞಾನಚಕ್ಷುಃಪ್ರಚ್ಛನ್ನಕಾರಣೇ || ೨ ||
ಜನ್ಮೋರ್ಮಿಸಙ್ಗಸಹಿತೇ ಯೋಷಿನ್ನಕ್ರೌಘಸಙ್ಕುಲೇ |
ರತಿಸ್ರೋತಸಮಾಯುಕ್ತೇ ಗಂಭೀರೇ ಘೋರ ಏವ ಚ || ೩ ||
ಪ್ರಥಮಾಮೃತರೂಪೇ ಚ ಪರಿಣಾಮವಿಷಾಲಯೇ |
ಯಮಾಲಯ ಪ್ರವೇಶಾಯ ಮುಕ್ತಿದ್ವಾರಾದಿವಿಸ್ಮೃತೌ || ೪ ||
ಬುದ್ಧ್ಯಾ ತರಣ್ಯಾ ವಿಜ್ಞಾನೈಃ ಉದ್ಧರಾಸ್ಮಾನತಃ ಸ್ವಯಂ |
ಸ್ವಯಂ ಚ ತ್ವಂ ಕರ್ಣಧಾರ ಪ್ರಸೀದ ಮಧುಸೂದನ || ೫ ||
ಮದ್ವಿಧಾ ಕತಿಚಿನ್ನಾಥ ನಿಯೋಜ್ಯಾ ಭವಕರ್ಮಣಿ |
ಸನ್ತಿ ವಿಶ್ವೇಶ ವಿಧಯೋ ಹಿ ವಿಶ್ವೇಶ್ವರ ಮಾಧವ || ೬ ||
ನ ಕರ್ಮಕ್ಷೇತ್ರಮೇವೇದಂ ಬ್ರಹ್ಮಲೋಕೋಽಯಮೀಪ್ಸಿತಃ |
ತಥಾಪಿ ಚ ಸ್ಪೃಹಾ ಕಾಮೇ ತ್ವದ್ಭಕ್ತಿವ್ಯವಧಾಯಕೇ || ೭ ||
ಹೇ ನಾಥ ಕರುಣಾಸಿನ್ಧೋ ದೀನಬನ್ಧೋ ಕೃಪಾಂ ಕುರು |
ತ್ವಂ ಮಹೇಶ ಮಹಾಜ್ಞಾತಾ ದುಃಸ್ವಪ್ನಂ ಮಾಂ ನ ದರ್ಶಯ || ೮ ||
ಬ್ರಹ್ಮಣಾ ನಿರ್ಮಿತಂ ಸ್ತೋತ್ರಂ ಭಕ್ತಿಯುಕ್ತಶ್ಚ ಯಃ ಪಠೇತ್ |
ಸ ಚೈವಾಕರ್ಮವಿಷಯೇ ನ ನಿಮಗ್ನೋ ಭವೇತ್ ಧ್ರುವಮ್ || ೯ ||
No comments:
Post a Comment