ಶಿವಪಞ್ಚಾಕ್ಷರಸ್ತೋತ್ರಮ್

                 ಶಿವಪಞ್ಚಾಕ್ಷರಸ್ತೋತ್ರಮ್

                 (ಶ್ರೀ ಶಂಕರಾಚರ್ಯಕೃತಂ)

ನಾಗೇನ್ದ್ರಹಾರಾಯ ತ್ರಿಲೋಚನಾಯ  ಭಸ್ಮಾಙ್ಗರಾಗಾಯ ಮಹೇಶ್ವರಾಯ |

ನಿತ್ಯಾಯ ಶುದ್ಧಾಯ ದಿಗಂಬರಾಯ  ತಸ್ಮೈ ನಕಾರಾಯ ನಮಶ್ಶಿವಾಯ || ೧ ||

ಮನ್ದಾಕಿನೀಸಲಿಲಚನ್ದನಚರ್ಚಿತಾಯ  ನನ್ದೀಶ್ವರಪ್ರಮಥನಾಥ ಮಹೇಶ್ವರಾಯ |

ಮನ್ದಾರಪುಷ್ಪಬಹುಪುಷ್ಪಸುಪೂಜಿತಾಯ  ತಸ್ಮೈ ಮಕಾರಾಯ ನಮಶ್ಶಿವಾಯ || ೨ ||

ಶಿವಾಯ ಗೌರೀವದನಾಬ್ಜವೃನ್ದ- ಸೂರ್ಯಾಯ ದಕ್ಷಾಧ್ವರನಾಶಕಾಯ |

ಶ್ರೀನೀಲಕಣ್ಠಾಯವೃಷಧ್ವಜಾಯ  ತಸ್ಮೈ ಶಿಕಾರಾಯ ನಮಶ್ಶಿವಾಯ || ೩ ||

ವಸಿಷ್ಠಕುಂಭೋದ್ಭವಗೌತಮಾರ್ಯ- ಮುನೀನ್ದ್ರದೇವಾರ್ಚಿತ ಶೇಖರಾಯ |

ಚನ್ದ್ರಾರ್ಕ ವೈಶ್ವಾನರಲೋಚನಾಯ ತಸ್ಮೈ ವಕಾರಾಯ ನಮಶ್ಶಿವಾಯ || ೪ ||

ಯಕ್ಷಸ್ವರೂಪಾಯ ಜಟಾಧರಾಯ ಪಿನಾಕಹಸ್ತಾಯ ಸನಾತನಾಯ |

ದಿವ್ಯಾಯ ದೇವಾಯ ದಿಗಂಬರಾಯ ತಸ್ಮೈ ಯಕಾರಾಯ ನಮಶ್ಶಿವಾಯ || ೫ ||

ಪಞ್ಚಾಕ್ಷರಮಿದಂ ಪುಣ್ಯಂ ಯಃ ಪಠೇತ್ ಶಿವಸನ್ನಿಧೌ |

ಶಿವಲೋಕಮವಾಪ್ನೋತಿ ಶಿವೇನಸಹ ಮೋದತೇ || ೬ ||